八福 (已結業)

今日同男朋友行完街出旺角食野，佢话好肚饿。所以就是但揾啲野食，结果就行左入呢间餐厅。间餐厅应该开左好耐，啲装修都旧旧地。系墙到见到佢地2008年有传媒访问，话佢地既乌冬好好食，所以都有啲期待🤣。我地叫左个二人set，再叫左个鸡串。成个set有三个小食，两个主食同两杯野饮。好老实，啲野食真系好普通🤔。小食份量唔多，饺子同吉列蚝都普普通通，汁煮牛肉份量太少，同埋无咩汁，同时都无咩味。反而另外嗌既鸡串就有汁，几浓味，不过好细串。乌冬口感都ok既，几有咬口同烟韧，但个汤真系无味架😑！可能系预你边食小食，边食乌冬挂。另外男朋友拣既咖喱汁蘑菇饭，佢话完全无咖喱味⋯😂野饮都系正正常常咁样，我饮个杯柑桔青柠甜酸度岩岩好。本身男朋友叫我比个差评😂，但我觉得都未难食到食唔落口既程度，只系极普通，所以都系比个OK算啦。