好運印尼餐廳

营业中

休息中

我4大1细，大热天抱住个bb喺出面爆晒等咗个半钟冇出过声，点知后面又系5个，我听住个呀婶自己打电话同朋友讲，佢哋前面仲有5个，即系佢知自己系我哋后面𠮶枱嘅。咁因为后面枱有个伯伯，惊佢热亲入去坐住等先，ok啦，点知有人走，好应该到我哋入去食，个女人劲冇品咁拉队入去，抢我哋枱。咁都算，我哋一开始好声好气同个职员讲，其实我哋到先，咁似住有伯伯𠮶两个女人理亏唔敢出声啦，点知个女职员够胆死话我哋计喺佢哋后面，好啦，顶唔紧，直头入铺头同个女职员讲清楚，点知佢够胆死推我哋出去话我哋系迟到𠮶枱，我成头黑人问号？？？即系好心你就派飞啦，咁先可以避免呢啲事发生，真拎米之莲请著啲咁嘅职员都冇用呀。