生記茶餐廳 (已結業)

见 Openrice 咁多人嚟食过，我都嚟试吓佢嘅虚实。七点松 D 嚟到，已经有堆 Openrice 食家嚟等位试菜，要等成廿张枱咁多，唯有行吓黄埔再返嚟，八点九返嚟，发觉开多咗几张枱系街，堆人群消失咗好多。经询问后，下张枱俾我哋，系等紧位之际，阿姐出嚟同 D 食客讲: 「春卷无哂 !! ｣，叫人改其他嘢，我哋心谂咁快有嘢无得食 ?!?! 在场有个阿姐一脚踢，超级忙，噗嚟噗去，我哋见有张枱走咗人，即刻唔等阿姐叫就坐抵咗。我哋嗌落单都嗌咗好多次先至落到，等咗好耐先至嚟碟炸八爪鱼丸，味道一般，无乜惊喜，唔系新鲜手打嘢嚟，比较实，唔弹。系等食期间，佢哋 D 单劲乱，又唔跟张单送俾人，是但求其俾咗人，搅到等咗好耐嘅无嘢食，出菜又慢，真系要改善吓。等咗成粒钟，要系人哋张枱抢返属于自己嘅膏蟹粥，唔攞返就无架啦，因为粥都停埋，如果等咁耐都无得食，真系会爆炸 !!膏蟹粥 : 粥底偏淡，稀咗 D，好咗 !! 膏蟹都好食，鲜甜。最后，炸鸡软骨又几好食㖞 !! 可能系因为我钟意食鸡软骨嘅关系，不过我哋明明系叫芝麻鸡软骨架 ?!?!系我哋食紧之际，仲有好多人嚟等食，仲有 D 话自己 book 咗枱，咁晏嚟到