影片
更多
2012-10-03
175 浏览
星期六, 个天有啲灰蒙蒙, 污染指数偏高, 胜在秋高气爽, 下午入到西贡, 为免浪费大好阳光, 众人决定舍弃冷气间,到公众码头对开的茶座揾食. 其实得两间, 是但行入间冇咁多人的, 餐牌好简单, 见左右隔离都有人叫炸鱼薯条, 就咁决定啦. 五个人, 叫了四份, 每份连饮品一百蚊多啲, 估计系现炸的, 都要等十几分钟, 先嚟饮品, 男人叫了啤酒, 女士们叫了青柠梳打, 极大杯, 冰冰冻, 有非常新鲜的青柠味.主角终于出场了哇哇哇, 每份有两大块, 仲有好多炸薯角, 好在叫了四份啫, 炸鱼用的是石班, 切开后, 鱼肉好洁白,鱼身有清晰的纹理, 非常新鲜,外层脆浆唔算厚, 不油不腻, 跟餐的酱汁有茄汁 + 他他汁, 但就唔见有白醋, 问待应攞醋, 佢拎咗套食沙律用的油醋架嚟,要捉住佢特别强调是白醋, 佢特登入去厨房拎兜出嚟, 服务态度好好, 真系唔该哂, 嗱, 嚟多个近镜真系好靓靓㗎,连伴碗薯仔都好味到晕,正!
胜在秋高气爽,
下午入到西贡, 为免浪费大好阳光,
众人决定舍弃冷气间,
到公众码头对开的茶座揾食.
其实得两间, 是但行入间冇咁多人的,
餐牌好简单, 见左右隔离都有人叫炸鱼薯条, 就咁决定啦.
五个人, 叫了四份, 每份连饮品一百蚊多啲,
估计系现炸的, 都要等十几分钟,
先嚟饮品,
男人叫了啤酒,
女士们叫了青柠梳打, 极大杯, 冰冰冻, 有非常新鲜的青柠味.
主角终于出场了
哇哇哇, 每份有两大块, 仲有好多炸薯角, 好在叫了四份啫, 炸鱼用的是石班, 切开后, 鱼肉好洁白,鱼身有清晰的纹理, 非常新鲜,
外层脆浆唔算厚, 不油不腻,
跟餐的酱汁有茄汁 + 他他汁, 但就唔见有白醋,
问待应攞醋, 佢拎咗套食沙律用的油醋架嚟,
要捉住佢特别强调是白醋, 佢特登入去厨房拎兜出嚟,
服务态度好好, 真系唔该哂,
嗱, 嚟多个近镜
真系好靓靓㗎,连伴碗薯仔都好味到晕,
正!
张贴
