影片
更多
2016-03-19
665 浏览
有缘近期去过呢间餐厅两次~ 第二次去唔系因为对佢念念不忘,而系宝贝提议去呢到试下~而两次都有讲不出的无奈2月11新正头去旺角揾个宝贝吹下水~之后揾地方医肚不经意咁见到一个隐闭的门口,发现一间隐闭的餐厅,屈在一个商场入面~好奇行去望下~噢~一个人都冇?!谂住转头走,点知比企喺近门口水吧的老板发现~大声讲左句欢迎光临.随便坐~...咁我只好揾个位坐下了~坐底左四周望望,餐厅简单唔花巧,门口对正一两二人枱,之后就系甜品柜同水吧,老板就喺那儿煮咖啡,内里空间好细,感觉好逼,我就拣左喺门口的位置,好似开扬D有一服务员小姐来摆刀叉.再放下餐牌,我一眼就决定要汉堡薯条,服务员就问我汉堡扒要几多成熟,我有点惊讶,就答佢要5成熟,我心谂真系可以做到嘛? 好期待!!本想点个自制面包,点知得到既回覆系: 厨师好忙,所以今日冇做面包,OK~咁唯有要蒜草包啦~之后想话要个沙律,居然话今日冇沙律...~__~ OKOK~唯有要个是日餐汤啦南瓜茸汤 - 简单地将南瓜打茸煮的汤,唔系太浓,感觉加多左水,冇其他特别质感,普通LA汉堡薯条 - 选择呢个主要原因系想有种劲夸张疯狂热气的感觉~一上枱望一望,如呢个价钱呢个OU
而系宝贝提议去呢到试下~而两次都有讲不出的无奈
2月11
新正头去旺角揾个宝贝吹下水~之后揾地方医肚
不经意咁见到一个隐闭的门口,发现一间隐闭的餐厅,屈在一个商场入面~好奇行去望下~
噢~一个人都冇?!谂住转头走,点知比企喺近门口水吧的老板发现~
大声讲左句欢迎光临.随便坐~...咁我只好揾个位坐下了~
坐底左四周望望,餐厅简单唔花巧,门口对正一两二人枱,之后就系甜品柜同水吧,
老板就喺那儿煮咖啡,内里空间好细,感觉好逼,我就拣左喺门口的位置,好似开扬D
有一服务员小姐来摆刀叉.再放下餐牌,我一眼就决定要汉堡薯条,
服务员就问我汉堡扒要几多成熟,我有点惊讶,就答佢要5成熟,我心谂真系可以做到嘛? 好期待!!
本想点个自制面包,点知得到既回覆系: 厨师好忙,所以今日冇做面包,OK~咁唯有要蒜草包啦~
之后想话要个沙律,居然话今日冇沙律...~__~ OKOK~唯有要个是日餐汤啦
南瓜茸汤 - 简单地将南瓜打茸煮的汤,唔系太浓,感觉加多左水,冇其他特别质感,普通LA
汉堡薯条 - 选择呢个主要原因系想有种劲夸张疯狂热气的感觉~一上枱望一望,如呢个价钱呢个OUT LOOK 的话确系令人有点失望~一D都唔兴奋伟大,整个汉堡睇落唔算好大份, 汉堡扒切开果真唔系熟晒~讲系5成的话都可以接受,咬落好有牛肉味,而且好多肉汁,唔会太干身,其他配菜就系好一般,整体不过不失
薯条份量尚算OK~一眼望见粗碌薯条正呀~入口感觉好似炸左好耐~外层叫做有点脆,可惜唔算好热,有点失望,
之后加$15蚊加份自家制点品,问服务员今日有乜甜品选择,佢就同我讲因为厨师好忙,
所以只有法式炖蛋...噢~我心谂,忙到咁, D法式炖蛋系咪过年前整定 V__V
法式炖蛋 – 唔知系技术问题定系可能真系过年前整定又或者雪得太耐, 炖蛋入口一D都唔滑~幸好唔算系太甜,蛋同奶的比例都唔错~相信可以整得更滑溜
姜饼咖啡 - 自问唔系一个识叹咖啡的人,所以要求唔会好高~谂住姜饼咖啡个名咁特别,应该会系有块可爱姜饼溶喺咖啡入面啦,点知...上枱时都系咖啡一杯,拉左朶花..饮落确系有少少姜饼味道~唔算好重口味
再坐左阵~可能新年流流冇咩人~整餐饭加埋我有两枱客仔~另一枱相信系老板的朋友~佢地一边食一边倾计~令我感觉开间舖头倾下计都几写意~相信呢到唔系朋友都唔识黎呢~~ HA~
3月1日
咁啱宝贝约我食饭~佢话有间餐厅好想试~我当然唔会拒绝啦~谁知咁有缘佢会推介呢间餐厅,
我问过佢点解会知呢间店,佢话佢之前经过只系冇机会试,所以谂住同我黎试下~
我地希望揾个地方冇乜人,坐耐D可静静地倾下计,经过之前的经验,呢到确系做得到
今次12钟黎到~餐厅依然系冇咩人~我地可以拣个心仪的位置~
睇左一阵餐牌~好快就有左决定~
今次一定要拣餐厅的自制面包试下~ 点知服务员话今日冇自制面包,我心中确系灰暗左一下,
心谂新年黎又冇,而家黎又冇,不如唔好打出黎比客人拣LA,
既然话冇都冇办法,唯有点另一样蒜草包,而今日只有一款餐汤 -- 香草清汤
香草清汤 - 确系好清淡的汤~ 选用左几款清清地冇乜味的菜蔬,确保有点色水之余又有嘢咬口,又唔会太重口味,掩盖左香草的味道,整体简简单单汤一碗,唔会觉得想添饮
蒜茸包 - 普普通通, 麦方包片上加蒜茸浆, 蒜茸浆相信唔系自家制,冇乜要求,但求暖暖地可点点汤就足够~
巴马火腿班尼迪蛋 - 蛋蛋系我的最爱美食之一~ 今次就见识下呢到的班尼迪蛋~心中己对呢个菜式有一定的形象~心中都几期待!! 点估上枱的时候乜野份量都减左半~!呢个价钱有呢个份量~真系有少少想喊~巴马火腿好软好嫩口,感觉唔似风干得太长日子,班尼迪蛋,可能系用模装住整~所以蛋白冇乜散开的感觉,除左巴马火腿班同只蛋,就冇乜特别配菜了~!5分钟唔洗就KO 左佢~
肉浆意粉(猪肉) - 好啱水准的款式~意粉唔会煮得太淋,而且鲜茄猪肉浆入口感觉粒粒分明,好有咬口,算系意料之外~
最后点左两杯餐饮,牛奶朱古力咖啡同爱尔兰酒咖啡,作为一间时款CAFE 真谂唔到咖啡会冇靓靓拉花~可能系我地思想太浮夸HAHA~!我地都唔系太高要求,但求出品靓靓地就开心~热饮上枱居然冇那种香浓的咖啡味,入口味道普通啦~
今次见佢有两款甜品可拣,有过经验之后,我地决定下次有机会再试
我地一边食一边倾计,餐厅越黎越多客人,服务员见我地食完未饮完,仍埋黎问我地会唔会点甜品,可唔可以埋单先,无奈中的无奈,我地只尽量配合,唔好阻住人家做生意...
店舖本身冇洗手间设备~要解手的话都唔知应该去边到好...唔系地胆都唔识揾~!唯有忍耐一下,揾个好地方解手了
总括黎讲..算系见识过佢的出品~可见的未来相信唔会再见,真心希望佢地他日可以有所进步
张贴
