老馮茶居 (大棠路)

周末难得饮早茶🤩去到老冯有几组人等紧，但好多人都未到齐唔入得，令到我哋好好彩两个人可以坐到四人卡位仲要系窗边！话说今次系第一次堂食，感概点心果然系新鲜热辣食会好味好多🥹·老冯金沙米皇肠$32·老冯鲜虾饺$30·蟹子烧卖王$28·沙爹猪大肠$28.香煎萝白糕$30·窝蛋牛肉饭$35两个人食咗6样嘢痴线😂本身个朝系好肚饿，但见到点心上枱我就开始饱🙈我必须要讲个金沙米皇肠超好食❗️佢系虾肠+炸两混合体，个馅啲脆脆比炸两更松化，必试‼️烧卖相对失色，萝卜糕偏粉可以煎脆啲，窝蛋牛肉饭好普通下次应该唔会再叫。另外想赞下装修，老冯走怀旧路线，室内场景还原七八十年代老香港，呢种室内设计好虾人做，一不小心就会做得好假，但老冯装修得好细致，唔会有好突兀嘅感觉，最欣赏假阁楼嘅公屋走廊，真系好似真嘅一样，连比例都拿捏得好！真心推介大家带外国游客去「参观」，分分钟好过去行所谓历史博物馆。