影片
更多
2021-11-02
565 浏览
秋风起，除咗好想食煲仔饭之外，都好想每个星期都打边炉，无论系四川麻辣、定系台式鸭血、港式嘅沙嗲牛汤底我都钟意，今次介绍既呢间系上年逆市开张既火锅，随左佢既装修非常打卡，佢既多款火锅汤底同野食选择都系非常之吸引。火锅随意门系一间上年喺铜锣湾开业嘅新派火锅店，餐厅会叫随意门，系因为可以带大家去唔同地方，以四国为主题，分左日本、法国、土耳其同中国既主题餐区，唔单止装修，汤底都符合呢四个国家，好似有北海道3.6牛乳樱花汤锅、味道香浓既土耳其香草羊肉锅、女士们至爱既花胶鸡汤锅、海鲜迷必点既特色卜卜蚬汤锅、法式芝士龙虾锅、鸭血麻辣汤锅、白胡椒蟹汤锅、冬瓜瑶柱脯汤锅等，多达12款选择，款款特色吸引。火锅配料都有过百款，好似刺身、鸡、 鹅、海鲜、牛肉、手打丸、肥牛、饺子等，牛肉方面最为吸引，四国风情牛肉拼盘可以一口气试尽 A4和牛、M8澳洲和牛、本地手切牛颈脊同土耳其香草牛肉。随左牛肉、海鲜都系每日新鲜入货，用水缸养著，够生猛，特盛海鲜拼盘有齐大扇贝、海虾、桶蚝、鲜鲍鱼、大青口、蛏子皇等多款海鲜，火锅迷必定会钟意。手打丸及格同饺子都系一大亮点，全部都系自家制，款式又多又新颖，好似手打菠菜猪肉丸、有南瓜
火锅随意门系一间上年喺铜锣湾开业嘅新派火锅店，餐厅会叫随意门，系因为可以带大家去唔同地方，以四国为主题，分左日本、法国、土耳其同中国既主题餐区，唔单止装修，汤底都符合呢四个国家，好似有北海道3.6牛乳樱花汤锅、味道香浓既土耳其香草羊肉锅、女士们至爱既花胶鸡汤锅、海鲜迷必点既特色卜卜蚬汤锅、法式芝士龙虾锅、鸭血麻辣汤锅、白胡椒蟹汤锅、冬瓜瑶柱脯汤锅等，多达12款选择，款款特色吸引。
火锅配料都有过百款，好似刺身、鸡、 鹅、海鲜、牛肉、手打丸、肥牛、饺子等，牛肉方面最为吸引，四国风情牛肉拼盘可以一口气试尽 A4和牛、M8澳洲和牛、本地手切牛颈脊同土耳其香草牛肉。随左牛肉、海鲜都系每日新鲜入货，用水缸养著，够生猛，特盛海鲜拼盘有齐大扇贝、海虾、桶蚝、鲜鲍鱼、大青口、蛏子皇等多款海鲜，火锅迷必定会钟意。
手打丸及格同饺子都系一大亮点，全部都系自家制，款式又多又新颖，好似手打菠菜猪肉丸、有南瓜咸蛋黄流心既黄金流心鲜虾丸。而饺子每日人手包制，和牛芝士一口饺用上了油香十足既A4和牛、黑松露蟹肉饺用上香浓既黑松露酱、鲜甜蟹肉同猪肉炮制。饺子同手打丸都设有拼盘，可以一次过试尽5款皇牌口味。
入到门口已经见到有个打卡位，
餐厅分咗四个区域，分别系有樱花背景嘅和风、常见嘅中国古代屏风、有巴黎铁塔嘅宫廷风、同我拣咗既土耳其风。
可以见到背景系热气球升空既墙纸，连吊灯、花砖、火锅炉、餐具、纸巾盒、牙签筒等都系土耳其风，吊灯系马赛克灯，设计好花心思，充满格调。
地方算宽敞，环境舒适，土耳其风区域大约有12张四人枱，櫈后边都有枕头，坐得几舒服。
-
🥣 酱介 💰25每位 （👅: 7.5/10）
酱介
$25
17 浏览
1 赞好
0 留言
小食咬落几爽口，作为前菜几开胃，个人最钟意青瓜，因为比起木耳佢食落真系有少少辣。
-
🥘 花胶鸡汤锅 💰298（👅: 9/10）
汤底方面系随意门招牌既花胶鸡汤锅，每日新鲜熬制，用上大量三黄鸡，三黄系指羽毛黄、脚黄、嘴黄，皮脆肉软、脂肪丰满。餐厅先将原只鸡起骨，再用慢火将鸡骨煎香，再加上鸡肉熬制而成，加上大量骨胶原既花胶，真系一边打边炉一边美颜。
鸡件同花胶系分开上，店员会即场剪开花胶，再摆落入汤底煲，非常贴心，会建议你饮咗汤同食咗花胶先。
花胶鸡汤锅
$298
12 浏览
1 赞好
0 留言
花胶够大块，可以用花胶扒黎形容，数量都有六至七块，非常足料，花胶咬落软腍，满满骨胶原。
饮汤饮到差唔多同食咗一啲花胶之后，店员就会加番啲鸡汤落去，之后就可以摆啲鸡落去煮，但我系加咗鸡汤之后饮觉得冇之前咁好饮，可能系因为少咗花胶嘅胶质，加嘅汤系鸡拖而唔系花胶鸡汤，但个汤依然系好饮，饮完唔会话觉得口干。
鸡件份量都好多，有半只鸡，上枱时已经系半熟嘅状态，唔洗渌太耐就已经食得，鸡件咬落够嫰滑，食落无雪藏味，唔会太肥，以花胶鸡汤来讲啲鸡算几好食
净系食鸡同花胶都已经饱咗一半，虽然价钱唔平，不过计埋份量同质数都算系值得。
-
1️⃣ 手切本地牛颈脊 细 💰268（👅: 7.5/10）
手切本地牛颈脊
$268
28 浏览
1 赞好
0 留言
牛脂睇落分布平均，唔会过瘦，卖相非常之靓，色泽红润，轻轻渌一渌就食得。牛颈脊厚薄一致，入口正常程度嫩滑，带有嚼劲，肉味就唔算重，因为牛颈脊系牛活动最多嘅部位，所以冇咩脂肪，主要系食个口感，呢个牛可能比较适合麻辣或者其他汤底，如果系鸡汤可能会比浓郁嘅鸡味盖过。
-
2️⃣ 黄金双并 💰98（👅: 8/10）
黄金双并
$98
21 浏览
1 赞好
0 留言
响铃好香，上面嘅咸蛋黄几多，厚度十足，系自己新鲜炸而唔系来货，渌完之后咸蛋黄好似半熔嘅状态，唔系干身个种，咬落非常松化，即使渌完咸蛋黄味道都系好出，
而炸鱼皮比较厚身，咬落已经好香脆，咸蛋黄味道令到佢更加丰富，唔使碌好耐已经好好食，加上油香同咸香味，绝对系重口味之选，个人觉得炸鱼皮比响铃更好食，因为非常之脆而且味道重啲，略嫌份量小左啲，大约得三条响铃同五块炸鱼皮。
-
🥤 竹蔗茅根 💰68（👅: 7.5/10）
竹蔗茅根
$68
34 浏览
1 赞好
0 留言
竹蔗茅根饮落竹蔗味正常，甜度适中，打边炉饮依个就啱晒，可以下火清热，几抵饮，略嫌唔系冰冻而系常温。
-
🌟 食物来讲呢度嘅𩠌算中到中上，比起食物我觉得呢度主打嘅花胶鸡汤底更加有惊喜，令到我由头饮到落尾，花胶同鸡都好食，因为好够味所以嘢食都唔使点豉油，配料方面有好多选择，亦都有唔同嘅组合可以一次过试，不过我觉得唔适合点一啲本身味道好重嘅嘢食，因为可能同鸡汤唔夹或者会比鸡汤抢咗个味道，反而应该好适合点好似粉丝、豆腐依啲索汤嘅𩠌。
环境同布置方面好适合打卡影相，嘢食嘅摆盘都非常夸张，座位算坐得舒服。见到网上有九点三之后七折嘅优惠，如果有呢个优惠，净系叫花胶鸡汤再加一啲菜或者粉丝会非常抵食。
-
👅味道: 8/10
🍴环境: 7/10
💰消费: $400pp (服务费: 10%)
张贴
