金鶴拉麵 (和富道) (已結業)

自己一向都好钟意食日本拉面，我特别重视个汤底。朋友介绍呢间餐厅，有只拉面，叫鸡白汤拉面，$138，系用鸡熬汤，仲要熬好多个钟头，先出嘅奶白色浓厚鸡汤，再配上超好食嘅拉面。所以决定一试。我一入到去嘅时候，天气太热，所以先叫咗支啤酒嚟凉一凉，呢支啤酒系用赤米酿出来，唔苦，好重米香味，再加上超冰冻，系几正，$48。之后就系叫咗个鸡白汤拉面🍜，鲜炸长条型嘅系牛蒡，店员一再提醒我一定要连埋拉面一齐食，仲要唔好浸落汤，先食到佢嘅质感同埋原汁原味。咬落去嘅时候劲脆，而且牛蒡味都好香。之后就系佢啲拉面，稍稍硬身，质感颇佳，再连埋鸡白汤一齐食，真系好正。个鸡汤除咗有好浓厚嘅鸡味之外，仲有就系好Creamy。之后我再叫咗个鳗鱼串，鳗鱼烧得好香，皮脆，热辣辣，好正。尤其是系连埋酒，一齐食。最后餐厅送咗个甜品俾我，系抹茶厥饼，抹茶味好香，而且都好冰冻，作为一个小完结，系几好嘅。