手作功夫茶 (天瑞商場)

营业中

休息中

放假无聊喺天水围打个转，今岩见到一间台式手摇饮品店，咁就一时兴起想饮番杯嘢，而且𠮶阵天时热，最啱就系饮返杯冻嘢凉下个身体。我经过嘅时候排队嘅人唔系好多，所以由等买嘢到攞到杯嘢嘅时间唔算好长，十分钟内就搞得掂。对比起其他台式饮料店呢间舖嘅嘢唔算贵，性价比高。珍珠奶绿 $24本身叫左珍珠奶绿，唔知系本身就有黑糖加入去定系佢加多咗，饮落口就有好浓嘅黑糖味，成杯嘢饮极甜，饮唔惯甜野嘅人可能接受唔到，不过个甜味唔会掩盖咗绿茶嘅味道，绿茶味道好饮，奶味都够，如果个甜度少啲成杯嘢就好完美。珍珠用量都唔少，成杯嘢饮到最尾我都饮到珍珠，珍珠弹牙唔会太软淋，有咬口，一啲都唔逊色。