影片
更多
2023-04-12
56 浏览
想同朋友慢慢享受一个有质素嘅午餐，又谂唔到想叫咩食，就不如交俾专业厨师帮我决定餐单，随时仲会带俾我神秘感同惊喜。「媄」主打铁板烧日本料埋Omakase，位于尖沙咀闹市7楼，落地玻璃望出去，刚好同树高度一样，一排树景十分写意。装修以灰、白、木色做主调，雅致现代风格，以吧枱形式嘅座位可以近距离欣赏到主厨烹调嘅工架。环境非常整洁干净，抽气做得好好，唔会一路烧一路闻到油烟味，特别欣赏主厨对整洁嘅执着。午市厨师发办有六款时令海鲜，主厨友善细心，对烹调嘅用心，手法纯熟细腻，真系台上一分钟，台下十年功。◉沙律有新鲜嘅士多啤梨及蓝莓，特别加上一片莲芋，口感爽脆多汁，配上柚子汁酸甜味道，清新怡人，为呢一顿Lunch Omakase揭开序幕。◉龙虾汁蒸蛋蒸蛋装在蛋壳形状嘅器皿中，淋上金黄色嘅龙虾汁，再点缀几片菊花瓣，卖相好靓好精致。蒸蛋口感柔滑细腻，散发出淡淡蛋香，而龙虾汁味道非常浓郁，系龙虾嘅精华所在，但又唔会盖过蒸蛋嘅味道，两者味道喺口中融合一起，相得益彰，加上轻微菊花清香，令人回味无穷。◉北海道带子呢度菜颜色好靓，带子熟度掌握得恰到好处，刨上金黄色嘅乌鱼子，上面再稍微烧烤一吓，咸香味道更加突出。再洒
装修以灰、白、木色做主调，雅致现代风格，以吧枱形式嘅座位可以近距离欣赏到主厨烹调嘅工架。
环境非常整洁干净，抽气做得好好，唔会一路烧一路闻到油烟味，特别欣赏主厨对整洁嘅执着。午市厨师发办有六款时令海鲜，主厨友善细心，对烹调嘅用心，手法纯熟细腻，真系台上一分钟，台下十年功。
沙律
7 浏览
0 赞好
0 留言
有新鲜嘅士多啤梨及蓝莓，特别加上一片莲芋，口感爽脆多汁，配上柚子汁酸甜味道，清新怡人，为呢一顿Lunch Omakase揭开序幕。
龙虾汁蒸蛋
15 浏览
0 赞好
0 留言
蒸蛋装在蛋壳形状嘅器皿中，淋上金黄色嘅龙虾汁，再点缀几片菊花瓣，卖相好靓好精致。蒸蛋口感柔滑细腻，散发出淡淡蛋香，而龙虾汁味道非常浓郁，系龙虾嘅精华所在，但又唔会盖过蒸蛋嘅味道，两者味道喺口中融合一起，相得益彰，加上轻微菊花清香，令人回味无穷。
北海道帆立贝
15 浏览
0 赞好
0 留言
呢度菜颜色好靓，带子熟度掌握得恰到好处，刨上金黄色嘅乌鱼子，上面再稍微烧烤一吓，咸香味道更加突出。再洒上一点点白色嘅淡雪盐，唔系死咸𠮶种，吊起咗带子嘅鲜味。
南非鲍鱼
3 浏览
0 赞好
0 留言
厨师用咗半蒸半煎嘅方式烹调鲍鱼，熟度控制得刚刚好，纯熟运用铲子将鲍鱼拆壳、切片、烹调再组合上碟。
鲍鱼质地十分软嫩，味道鲜甜，主厨建议先品尝一片原味嘅鲍鱼，然后第二片就配上秘制鲍鱼肝酱一齐食。食鲍鱼用返鲍鱼肝嚟烹调酱汁，互相都唔会抢咗大家，成件事好match。个酱汁打得好细腻，味道回甘，少许甜味与微微酒香相辅相成，试咗之后简直返唔到转头，每片鲍鱼我都要蘸上大量酱汁食。
金鲷立鳞烧
9 浏览
0 赞好
0 留言
最特别的做法不得不提立鳞烧，主厨用油刚好浸泡到鱼表皮朝下位置，炸至鱼鳞竖起，再利用油释出嘅温度蒸熟鱼肉，连带有视觉享受，睇住主厨用听油声去判断金鲷嘅熟度。今次fusion配咗个酸菜鱼汁，调味适合返日本餐嘅口味。
用专门嘅匙羹品尝，味道同口感都好有惊喜。入口时鱼表皮同鳞都非常酥脆，完全唔觉得系鱼鳞，鱼鳞根本就系呢度菜嘅半个主角。鱼肉厚身紧实，好嫩滑鲜甜。酸菜鱼汁唔会好辣好麻，酸酸地有淡淡嘅花椒味。最后食埋大葱丝可以用嚟清除口中嘅味道，迎接下一道菜。
虫草花虾膏大虎虾
1 浏览
0 赞好
0 留言
主厨将原只大虎虾放上铁板烧，纯熟铲法将大虎虾剥壳、开边，用虾头膏加入虫草花煮成酱汁。虾肉熟度刚好，肉质爽甜非常弹牙，直头似龙虾肉，酱汁好出色，虾膏味甘香浓郁，虫草花味都好出。
当我品尝完第一件虾，主厨特意为我哋增添一个新口味，加咗一匙羹秘制酱料喺其中一件虾肉上，原来系避风塘口味。
鹅肝
9 浏览
0 赞好
0 留言
煎鹅肝火喉到位，放入口先享受表面一份香脆，然后到中心部份嘅柔软质感，入口溶化，味道浓郁，配上多士及自家制苹果醋蓉，中和油腻感，最后食片冻菠萝清一清口中漏嘅感觉。
封门柳
5 浏览
0 赞好
0 留言
主厨会预先问你食唔食牛，同埋想食几成熟，亦可以选择日本鹿儿岛黑豚肉。主厨控制牛嘅生熟度刚好，啱晒心意，牛味浓郁好juice，配盐渍昆布同Wasabi，食到唔同配搭嘅口味。
味噌汤、炒饭、炒野菜
7 浏览
0 赞好
0 留言
用返大虎虾虾头煮返个味噌汤，热辣辣，鲜甜味浓郁，又唔会太咸。
◉炒饭
看似简单嘅炒饭先至尽显主厨嘅功夫，炒饭粒粒粒分明，加入菜粒口感更加丰富。同一般炒饭唔同，呢个无用鸡蛋炒，反而加咗啲沙律酱去炒，结果味道超好，其实都已经好饱，但好味到食晒成碗。
◉炒野菜
有椰菜、本菇、红萝卜丝，加埋芽菜炒得脆卜卜充满水份，铁板炒嘅蔬菜特别有镬气，入口清甜爽脆。
焦糖脆多士、柚子雪葩、热咖啡
6 浏览
0 赞好
0 留言
好钟意睇住主厨用牛油同糖煮成焦糖，时间掌握得好准，再将方包蘸上焦糖酱喺铁板上烧成多士条。甜度好啱，表面焦糖衣脆口，充满奶油香嘅焦糖味。三样简单嘅材料经过主厨烹调，竟然可以提升到咁出色嘅甜品，我其实真系好饱，但结果都食晒。
◉甜品
柚子雪葩好fresh，好香柚子味。最后叹杯热咖啡做结尾。
呢个价钱，无论环境、服务、食物都高质素，性价比高，结果食到捧住个肚，享受咗愉快满足嘅一个午餐。
#媄铁板烧日本料理和酒
地址：尖沙咀广东道122-126号中港中心7楼
张贴
