千上日本料理 (已結業)

好耐无同阿妈两个撑枱脚，难得老公约左班兄弟食饭，于是约阿妈食饭食好野。阿妈最钟意食日本野，三文鱼简直系佢至爱。知道尖沙咀粤海酒店有间餐厅食日本野。见月头，就同阿妈食好少少啦~净系睇门面，都好有日本feel。地方大，坐得舒适。北海道蟹膏 $88Cocktail 杯内放上冰冻爽脆青瓜，再配上蟹味超浓郁嘅蟹膏同香口芝麻，味道简直绝配，而且卖相好精致。千上鱼生沙律 $98哗..哗..哗.. 沙律入面有几款鱼生。份量十分慷慨之余，鱼生仲超鲜味。再配埋脆卜卜蟹籽同天妇罗碎，口感好丰富。呢个价钱咁嘅份量，连阿妈都话抵。极力推介~三文鱼刺身 $68赤鯥刺身 $190侍应细心讲解先食三文鱼刺身，因为赤鯥油分比较高。三文鱼切得厚厚，十分肥美，阿妈大爱。赤鯥系稀有矜贵嘅高级鱼，出面比较少食到。赤鯥肉质鲜嫩，入口油脂嘅甘美充斥住成个口腔，有入口即溶感觉，好正~三文鱼籽寿司 $60鲜带子寿司 $116三文鱼籽大大粒，粒粒都晶莹剔透。放入口轻轻咬开，卜。。卜。。卜。。鲜味出晒黎。带子超厚肉，食落鲜甜，超有口感。宫崎烟黑豚 $168豚肉烧得香口，咬落有劲多肉汁。好食~烧日本有机豆腐 $58豆腐烧得好正，表面烧得香脆