六小館

最近想去啲远离市区嘅地方行下，就拣咗东涌，逛完商场又可以郊游一番，都几好㗎！去到东荟城，当然要行钟意嘅名店仓啦，不过，首先最紧要系医饱肚，行经一间门口装修别致既餐厅，系我哋想食嘅中菜，咁就入去慢慢享受吓啦。餐厅装潢雅致，设计时尚，别具特色，地方宽濶，枱与枱之间感觉唔系太挤迫，无压迫感，环境洁净舒适，可远望户外景色，令人轻松写意！见到餐牌上款式好特别，有人气之选既碢烧滴漏鸡油鲜野菌烩饭、古法清汤本地新鲜牛杂、功夫吊烧三味脆皮鸡、四川水煮系列、湖南干窝系列，以及安格斯牛肉、海鲜、素菜、精品前菜、小馆汤羮、泡饭、和牛炒河等，选择种类多，款款手艺精湛。古法清汤本地新鲜牛杂    $198六小馆人气之选既菜式当然要拣啦，依款系选用每日运来嘅本地牛杂，所以特别新鲜，牛腩味浓郁，口感好松软，牛筋嚼劲十足，牛肚软嫩有咬口，牛杂同白萝卜炖煮入味，汤底清甜不腻，香浓四溢。南瓜嫩鸡九层塔    $158日本南瓜连皮食好松软绵甜，入口即化，鸡肉口感嫩滑，加入九层塔香料，令鸡肉嘅香气更浓郁，非常美味嘅一道菜。意大利黑醋小排骨    $148排骨炸过后仍保持肉质软嫩，肉味香浓，每粒排骨都沾满意大利黑醋，光泽漂亮，