蓉玥 (已結業)

夜晚约咗朋友喺中环食饭，朝早咁啱就见到有媒体报道一间新开川菜，而且系米芝莲星厨嘅师傅开嘅，即系质素有一定保证啦！仲要定价极相宜，朋友睇完 menu 都不禁忧心喺中环呢个地段挨唔挨得住 🤣下昼先确定时间打去 book 位，接电话嘅姐姐好有礼貌，即刻加分 👍🏼餐厅好新净、光猛，坐位好舒服，楼底高，唔会太嘈，都几适合倾偈。坐低就有小食同埋热嘅山楂红枣水，好养生呀～餐牌选择好多，千拣万拣先决定点招牌酸菜鱼、口水鸡同埋蚂蚁上树，酸菜鱼追加咗一份土豆粉～媒体𠮶篇介绍有提及佢哋好注重酸菜，都真系食得出同一般酸菜有唔同，好惹味，出色 👍🏼鱼片切得薄薄，好嫩滑！点菜时问过姐姐多唔多骨，佢话佢哋自己都有食，都无乜骨，但最后都系有少少嘅 🤣 怕食到鱼骨嘅我要极小心咁细细啖咬～土豆粉系白色、粗身嘅圆柱面条，虽然好食，但我哋望到隔离枱嘅扁扁透明薯粉又觉得薯粉会正啲 🤭酸菜鱼有分1-2人份/3-4人份，可能因为有嗌其他嘢，我哋两个人都唔系好食得晒细份呢，好足料！唔记得影低口水鸡同蚂蚁上树，口水鸡好好味，个麻辣酱料好正，份量又够多，劲抵食 🤤蚂蚁上树比起之前食过嘅淡味啲，但反而感觉无咁热气。食到途中见到出面好多人排