京香閣 (已結業)

酒店buffet、日式放题就食得多，但系中菜嘅buffet喺香港就好似唔常见。同家人聚餐，嚟到上环京香阁， 发现呢度除咗可以散叫，仲有京菜半自助餐食，每人连茶钱加一都系三百零蚊，但系就有龙虾、花胶、片皮鸭同其他中式食品任食，款式非常非常多，绝对系性价比极高，孝敬双亲就最啱。呢度有龙虾餐同虎虾餐选择， 虎虾餐会平几十蚊 ，我哋清一色拣咗龙虾餐，但分别用咗唔同嘅酱汁去煮。干烧汁有点似甜酸酱，酸酸甜甜。蒜蓉蒸味道好够，啱晒喜欢咸食同浓味嘅人。龙虾非常大只，位位都有半只，肉质弹牙。虫草花花胶炖鸡汤味道鲜甜，真系有好多花胶，大大嚿，劲足料。呢度有成四五张枱放满自助餐嘅食物，上海菜、京菜、四川等等乜都有，粗略估计都有30款选择，另外仲有点菜只上面都有成20款点心和甜品，所以种类选择真系非常多，只要试晒全部菜色，都肯定已经饱了。食完龙虾同饮完汤，第一件事就梗系要食片皮鸭啦！我一个人都食咗四至五件，好正呀！呢度片皮鸭系切好晒自助形式俾你夹。佢哋嘅鸭肥瘦适中，又整得香，非常好味。饼皮又够薄，加埋姜葱、青瓜、蜜瓜和特制酱汁，真系好好味呀，令到我食唔停。最难得嘅系，食物种类虽然多，但系质素仍然非常好，味道都