影片
更多
2021-09-09
85 浏览
东哥点心火锅好出名，想同朋友黎试好耐啦，但次次经过都排满人等位，是晚特登早啲黎睇睇，早场ok㖞可以即入。$188/位任饮任食两小时，另加酱料费$10同加一，大概$220人头。可以点鸡煲，打边炉同点心，真心多野食。饮品选择唔多，但有罐装茶同啤酒已经够啦，想饮甜野有可乐同乐天嘅忌廉沟鲜奶等。觉得自己食唔到咁多野就无拣鸡煲了，直接就打边炉，点左澳门猪骨煲，汤底都几好味，不死咸。第一round点左呢啲，火锅料选择唔算话好多，但一般大路野都有啦。食物按人头计，两个人就分到二嘅倍数。全部料都几新鲜，炸鱼皮好脆，菜翠绿。呢碟系美国顶级牛板腱，都几好有牛味又唔肥，有时遇到白色一片嘅任食嘛，你懂的。西班牙豚肉都嫩滑㖞，渌耐左都唔鞋口。左起和牛粒，鸡子，广岛蚝，秀珍菇，鹅肠，其中鸡子同蚝好新鲜肥美，encore左几转。鹌鹑蛋、萝卜、粟米、豆卜，豆卜同萝卜吸满汤汁真系几正。猪红几好唔散，麻辣牛丸爆汁。记住留肚食下点心，虾饺鲜甜，好食过唔少茶楼，encore！菜苗饺菜嫩多虾，又系好好食，encore！凤爪够入味，好食。灌汤饺足料但惊喜不大，而且呢样好饱肚，试过便算。呢个价钱咁多野食好抵，食物都有水准，上菜速度
$188/位任饮任食两小时，另加酱料费$10同加一，大概$220人头。可以点鸡煲，打边炉同点心，真心多野食。
饮品选择唔多，但有罐装茶同啤酒已经够啦，想饮甜野有可乐同乐天嘅忌廉沟鲜奶等。
觉得自己食唔到咁多野就无拣鸡煲了，直接就打边炉，点左澳门猪骨煲，汤底都几好味，不死咸。
第一round点左呢啲，火锅料选择唔算话好多，但一般大路野都有啦。食物按人头计，两个人就分到二嘅倍数。全部料都几新鲜，炸鱼皮好脆，菜翠绿。
呢碟系美国顶级牛板腱，都几好有牛味又唔肥，有时遇到白色一片嘅任食嘛，你懂的。
西班牙豚肉都嫩滑㖞，渌耐左都唔鞋口。
左起和牛粒，鸡子，广岛蚝，秀珍菇，鹅肠，其中鸡子同蚝好新鲜肥美，encore左几转。
鹌鹑蛋、萝卜、粟米、豆卜，豆卜同萝卜吸满汤汁真系几正。
猪红几好唔散，麻辣牛丸爆汁。
记住留肚食下点心，虾饺鲜甜，好食过唔少茶楼，encore！
菜苗饺菜嫩多虾，又系好好食，encore！
凤爪够入味，好食。
灌汤饺足料但惊喜不大，而且呢样好饱肚，试过便算。呢个价钱咁多野食好抵，食物都有水准，上菜速度可接受又无漏单，唯独店内冷气略嫌不够，可能坐近门口系热啲啦。
张贴
