影片
更多
2023-03-07
53 浏览
最近到访位于铜锣湾嘅极鮨，做紧二人同行一人半价优惠，变相全单七五折！晚市共三款唔同价位嘅Omakase选择，我哋拣咗价位最高，亦都系内容最丰富嘅匠Omakase set，总共有成二十二道料理，认真夸张🤯！• 匠おまかせ 二十二品 $1680/位前菜有萤光鱿鱼同慢煮𩽾𩾌鱼肝，前者只只爆膏，好香口！后者就略嫌唔够滑身，失色咗少少👌🏻刺身方面先有大只肥美嘅岩手县真蚝打头阵，及后有太刀鱼同沙甸鱼卷一同登场，太刀鱼有炙烧过嘅香气，不过就有少少筋，至于沙甸鱼卷可以话系小编当日嘅最爱，鱼肉肉质肥嫩，落咗少少姜葱癖腥提鲜再以脆口紫菜包住，所有嘢都配合得宜！矶煮日本黑边鲍配肝酱，属于比较浓味嘅一道，肝酱带点甜味。最后奉上玻璃器皿盛载住嘅间八鱼，以苹果木烟熏过，散发出阵阵香味🐟之后系三款季节和食。第一道系甘鲷立鳞烧配南瓜蓉，香脆可口。目光鱼天妇罗细细一条，鲜甜味集中喺鱼身当中。压轴仲有北海道毛蟹，由师傅细心拆肉，食嘅时候可以拌入蟹醋啫喱，令口感多一份清凉酸爽😌轮到寿司部分，包括咗有北海道带子配竹炭盐及青柠汁、烟熏鲣鱼配蒜蓉大葱及酸汁啫喱、富山白虾配乌鱼籽、深海池鱼配柚子胡椒、赤鯥配三星渍、酱油渍吞拿鱼面颊
• 匠おまかせ 二十二品 $1680/位
前菜有萤光鱿鱼同慢煮𩽾𩾌鱼肝，前者只只爆膏，好香口！后者就略嫌唔够滑身，失色咗少少👌🏻
刺身方面先有大只肥美嘅岩手县真蚝打头阵，及后有太刀鱼同沙甸鱼卷一同登场，太刀鱼有炙烧过嘅香气，不过就有少少筋，至于沙甸鱼卷可以话系小编当日嘅最爱，鱼肉肉质肥嫩，落咗少少姜葱癖腥提鲜再以脆口紫菜包住，所有嘢都配合得宜！矶煮日本黑边鲍配肝酱，属于比较浓味嘅一道，肝酱带点甜味。最后奉上玻璃器皿盛载住嘅间八鱼，以苹果木烟熏过，散发出阵阵香味🐟
之后系三款季节和食。第一道系甘鲷立鳞烧配南瓜蓉，香脆可口。目光鱼天妇罗细细一条，鲜甜味集中喺鱼身当中。压轴仲有北海道毛蟹，由师傅细心拆肉，食嘅时候可以拌入蟹醋啫喱，令口感多一份清凉酸爽😌
轮到寿司部分，包括咗有北海道带子配竹炭盐及青柠汁、烟熏鲣鱼配蒜蓉大葱及酸汁啫喱、富山白虾配乌鱼籽、深海池鱼配柚子胡椒、赤鯥配三星渍、酱油渍吞拿鱼面颊配蒜辣油、大拖罗 配芥辣渍、银鳕鱼配黑松露以及三文鱼籽海胆杯。寿司大部分均有用上酱汁调味，整体口味较浓，个人喜好会偏向简单一啲嘅调味，而饭粒嘅口感同酸度就正好合小编口味🙆🏻♀️
食完寿司都未完㗎，仲有主食、汤同甜品！当日嘅主食系烧吞拿鱼下巴，烧得外层酥脆，鱼油味亦够香，有少少骨胶原嘅黏口感。甜品则有安纳芋羊羹、蜜瓜同士多啤梨💕
张贴
