The Yell-Owl Seafood And Grill (已結業)

超级猫头鹰全日餐(龙虾半只) $208超级丰富既all day breakfast，有劲多配料😍有龙虾，蟹肉牛油果多士，班尼迪蛋，英式猪肉肠，大啡菇，扒蕃茄，烟肉，薯饼，沙律，焗豆，牛油粟米🌽龙虾多膏，蟹肉牛油果多士口感丰富，配上脆多士好好食👍🏻班尼迪蛋一切落去果下啲蛋浆爆晒出嚟😍食落仲有好浓烈嘅芝士味。薯饼亦都炸到外脆内软，好香口😋2人下午茶餐 $138柚子汁脆炸鸡翼做得好出色，淡淡柚子味酱汁，外皮好脆，入边嘅鸡肉仲好多汁🤤连本身唔太钟意柚子味嘅我都觉得好食👍🏻另外芝士烧鸡墨西哥卷🫔都好好食，入面有蕃茄蓉加芝士，食落酸酸甜甜咁好开胃。