Golem Craft Beer (已結業)

马鞍山区虽然成日比人话系美食沙漠，但石门都有间西餐厅质素高、性价比高、食物品质高。一入到黎装修好靓，灯光通明，气氛几好，播住好舒服既英文歌，员工服务态度非常好，旁边有一张长长嘅bar台，如果约三五知己嚟chill都几适合。南瓜汤非常浓郁，质地柔滑，好香南瓜味，啲嘢饮嘅质素都好高，上菜速度非常快，而且注重上菜次序等细节，非常满意。呢个番茄大虾意粉有少少辣辣地， 好嘢味，非常开胃， 卖相都好精美，只虾都大大粒，性价比极高！呢个三文鱼牛油果沙律真系好健康，最岩成个新年食完油炸野既我地黎食，黑松露卡邦尼意粉，一黎到，就闻到非常浓郁嘅黑松露味，最岩我呢啲黑松露爱好者，可惜就系有少少过咸，但系整体味道都唔错，超出预期的好味！我哋仲叫咗个10安士嘅安格斯牛扒，叫七成熟，不过感觉似五成熟。旧扒切到好厚，肉质非常松软同肉汁，肥肥美美，真心好抵食！