入麵 (已結業)

本身谂住求其喺京瑞揾啲野食，经过间铺见到有下午茶，门口个阿姐又招呼我咁，就决定食依间。见佢餐牌选择其实同午餐都差唔多，我拣左个回味酱骨架面，捞面嘅选择有4款，不过因为唔食得辣，就拣左个日式捞面，另外餐饮仲可以配珍珠奶茶，唔洗额外加钱。不得不说野食送到嘅速度非常快，叫完无耐已经有得食。日式捞面都几大碟，面质爽身而且挂汁，唔会太dry。至于个面汁就正正常常，好似平时日式烧汁咁甜甜地，我谂如果想特别啲嘅话可能叫口水汁会比较惹味。个主菜酱骨架有两件，可能因为下午茶关系，见平时啲人食午餐嘅话应该会有3件。个酱骨架几大旧，食落都几似猪软骨，啲肉好淋味道浓郁，个人觉得几好食，唔怪得睇食评咁多人会拣依道𩠌，佢成为全个餐嘅重点(个捞面同佢相比，味道就显得有啲普通)。虽然成个餐睇落有啲颓，但胜在食物分量够多，而且仲有杯珍珠奶茶送，都几抵食。如果想拣个饱肚又快速嘅餐食，依间餐厅未尝唔系一个选择。