天仁茗茶 (青衣城2)

营业中

休息中

见到天仁茗茶做紧推广，用汇丰信用卡茶饮或者雪糕可以买一送一，即刻同女朋友去帮衬。可能推广优惠太吸引，平时唔洗排队嘅店铺竟然大排长龙。我同女朋友排咗十分钟左右先至到收银。女朋友想食抹茶雪糕，但店员话只系得返铁观音味，有啲可惜，但排咗咁耐无理由唔食嘅。雪糕嘅铁观音茶味都几出，卖相都唔错。但可能实在太多人买、turnover 太高，雪糕明显唔够冻，有啲水水地嘅感觉。越食就越融得快，几分钟后就融晒变成铁观音茶...根本食唔切。唉，落得如此下场，有啲失望。其实雪糕机整唔切唔够冻，可以暂停售卖一下。品质嘅稳定都几重要。