石澗日本料理 (已結業)

以前未有放题既时候, 9pm后去就会全单有半价, 或者假日前有7折, 当时各种食物水准都好平均, 而且所有都系即叫即做. 自从改左做放题, d鱼生就开始好明显差左, 谂住算啦, 价钱平左, 整体黎讲以$178呢个价钱就ok啦. 但系呢两次再去, 发现个埸好爆好嘈之余, d食物差到不得了, 申烧, 炸物一叫即到, d炸物番炸过难食都死, 串烧又冻又硬, 以前个向缧烧系成只连谷上, 而家是但用只碟放几片上去, 都系冻冰冰既! 最嬲就系食日本野个卖相好紧要, 石涧一向都用d几靓既碗碟上菜, 但前日竟然一黎就上 一碟酒楼果d白色碟仔, 装住一堆乱切既鱼生.....哗.....揽到咩胃口都无晒, 之后连一向最稳阵既寿司都好难食, d饭又烂又得个甜字. 好失望, 点解每次一揾到d好食既餐厅, 开始多左人去就会退步既呢!? 我明白$178系好平吾可以太多要求, 但石涧明明之前系有好师傅可以做出有水准既食物, 点解要自降身价呢! 我情愿佢收番以前贵少少, 吾好浪费左个咁好既环境同埋斑师傅啦.