見見面 (琉璃街) (已結業)

之前做research已经book mark咗哩间打算有机会要试下。见到哩间餐厅啲食评全部都好正面，满怀期待地谂住试新嘢，点知极度失望。食之前完全冇打算写食评，并冇影到相。食完之后忍唔住想抒发下，所以得啲食完嘅食物相。由于食咗tea冇耐，净系order咗三道𩠌。第一道上枱嘅系四季豆，味道都ok，就系偏重味精。之后系水煮桂花鱼，鱼嘅份量都算多，不过鱼肉味道一般，筷子一夹就散，配菜得大量芽菜同两条薯粉。无论味道定配菜方面，出面都有大把更好嘅选择。最后哩到𩠌就系令我忍唔住写哩篇食评嘅原因。哩道水晶粉嘅味道就好似你”毕”咗一匙羹味精直接摆人口食一样！