娜多歐陸餐廳 (已結業)

真系劲难得，平常去边都带住仔仔。本来今日都有预仔仔一齐晚饭的，但朋友话想买衫，咁就安排仔仔去婆婆家好了；因为朋友买衫，仔仔点都会闷既，唔同陪我买衫，睇下我既又睇下佢既。不过朋友因为忽然要OT，少左好多时间拣食乜同行街呢。最后当然又系揾间唔驶点等，好快有位既餐厅啦。娜多，以前我家楼下都有一般般啦，但点都比泰巷好食岩口味（泰巷同娜多同麻酸乐都系同一个集团啦）。满座，但只系等一张枱，所以等。大约5-10分钟左右就可以入座啦。2个人坐4座卡位呢真系拣得岩，坐得舒服。系等既期间同朋友已经拣好左食乜啦。落完单，好快就有饮品啦，冻柠茶，不过饮品黎左之后，就等左劲耐先有野食啰。我估通粉果D应该唔驶点整，系2个吉列所以要等咁耐。依个蕃茄螺丝粉个汤又真系几好味，朋友完全食晒，一滴都冇净。吉列鱼柳同猪扒，冇乜唔妥，香口野，实好味嘛。如果咁都整得唔好味，间餐厅都真系折得啦。一个餐先58蚊加冻饮再加埋一先67蚊。系香港黎讲一个Dinner咁既价钱，抵啦，食个麦记都起码30蚊啦，重要自己拎自己揾位。依度有人服务㖞。会唔会再去呢，讲真，虽然唔差，但又真系未必...因为又真系有好多其他好食的，依间可能只系下次谂唔到食