影片
更多
2022-12-01
404 浏览
2022年11月20日 星期日今日晏昼带埋BB同屋企人又黎到呢间餐厅打边炉，因为好少餐厅可以晏昼都有火锅提供，而且性价比唔错餐牌同之前黎嘅时候冇乜太大改动，都系主打烤鱼同鸡煲，但见到有香辣小龙虾最新推出，感觉都好吸引，不过由于屋企人唔食辣，所以最后就试咗椰子鸡煲另外后面可以选择嘅火锅配料有好多，无论是肉类、海鲜类甚至蔬菜类都有好多食物可以拣，花多眼乱，最后我哋决定每一类都要少少，怕点太多会食唔晒等咗大约10分钟左右饮品就先嚟到，有益力多沙冰，饮落去酸酸甜甜咁几开胃，而且唔会太甜另一杯就系芒果沙冰，份量都几多，食落去好清新，可以解腻，打边炉饮就啱晒，不过饮品最好远离火锅，因为沙冰溶得都几快之后椰子鸡煲就准备好，店员仲细心过我哋落鸡件，等到火锅出晒水蒸气，一打开个盖，就已经闻到好浓郁嘅椰子香味，就算夹里面嘅鸡件黎食，一咬落去都食到椰子嘅味道，同鸡都几配合，肉质幼嫩，煮得啱啱好之后有鱼片头，每一旧都好大粒，而且食落去几弹牙，又有鱼味跟住有滑双拼，其实系墨鱼滑加虾滑，整开之后都有好多旧，渌左一阵间已经熟晒，弹牙之余又有咬口，仲食到有一粒粒蟹籽添呢一个系幼薯粉，睇落唔系好多，但当放落火锅渌熟之后
今日晏昼带埋BB同屋企人又黎到呢间餐厅打边炉，因为好少餐厅可以晏昼都有火锅提供，而且性价比唔错
餐牌同之前黎嘅时候冇乜太大改动，都系主打烤鱼同鸡煲，但见到有香辣小龙虾最新推出，感觉都好吸引，不过由于屋企人唔食辣，所以最后就试咗椰子鸡煲
另外后面可以选择嘅火锅配料有好多，无论是肉类、海鲜类甚至蔬菜类都有好多食物可以拣，花多眼乱，最后我哋决定每一类都要少少，怕点太多会食唔晒
等咗大约10分钟左右饮品就先嚟到，有益力多沙冰，饮落去酸酸甜甜咁几开胃，而且唔会太甜
另一杯就系芒果沙冰，份量都几多，食落去好清新，可以解腻，打边炉饮就啱晒，不过饮品最好远离火锅，因为沙冰溶得都几快
之后椰子鸡煲就准备好，店员仲细心过我哋落鸡件，等到火锅出晒水蒸气，一打开个盖，就已经闻到好浓郁嘅椰子香味，就算夹里面嘅鸡件黎食，一咬落去都食到椰子嘅味道，同鸡都几配合，肉质幼嫩，煮得啱啱好
之后有鱼片头，每一旧都好大粒，而且食落去几弹牙，又有鱼味
跟住有滑双拼，其实系墨鱼滑加虾滑，整开之后都有好多旧，渌左一阵间已经熟晒，弹牙之余又有咬口，仲食到有一粒粒蟹籽添
呢一个系幼薯粉，睇落唔系好多，但当放落火锅渌熟之后就发晒出嚟，几个人食都足够，薯粉食落烟韧，都容易咬断，而且食完都开始觉得饱
最后我哋仲有要粟米饺，真系几皮薄馅靓，因为一渌熟拎上黎既时候已经见到个皮透明到见到里面既配料，充满住猪肉同粟米，食落粟米脆卜卜，有水份
埋单几个人食加埋六百都唔洗，真系食到好饱！！
张贴
