影片
更多
2021-03-02
516 浏览
❀ Bouillon #上环 ❀❗️极高水准法国餐馆 道道菜式都冇得弹❗️——————————————————呢间位于上环相对新嘅法国小餐馆刚开业无耐已经深受好评，之前曾经想试但系完全满座，今次网上预先预约，终于食到😆果然不负众望，非常极之好味☺️餐厅由两位法国人开，望落去比较细，唔系走高级法国菜，而系摆盆简单但味道丰富嘅法国菜式。.鲜蓝色粗犷嘅外墙装修骤眼望落唔算好大，原来内里仲有多半层，有一部份系酒吧位置一部份系卡位。内里仲会播着法国特色嘅纪录片，好似置身于巴黎嘅小餐馆咁🥰唯独系服务上唔算亲切，唔会上菜时介绍菜式，但整体食物真系好出色。.✷𝑀𝑒𝓃𝓊✷☞ Starter♥ Bread 坐低会先送上面包，配上海盐牛油，可以无限添加！冇谂过系一间小餐馆食到嘅面包居然可以印象难忘过喺米芝莲酒店餐厅食到嘅面包💖！外脆内软绵绵，少少咬口，配埋牛油，非常高质！.♥ Escargot a la bourguignonne 法国蜗牛 $88 (4.5/5)嚟到法国餐馆点可以唔试吓蜗牛🐌，口感弹牙得来又滑，香港真系好少地方食到。味道上，唔知大家有冇食过Pizza Hut嘅田螺，觉得调味几相似，都系加上牛油、
❗️极高水准法国餐馆 道道菜式都冇得弹❗️
——————————————————
呢间位于上环相对新嘅法国小餐馆刚开业无耐已经深受好评，之前曾经想试但系完全满座，今次网上预先预约，终于食到😆果然不负众望，非常极之好味☺️餐厅由两位法国人开，望落去比较细，唔系走高级法国菜，而系摆盆简单但味道丰富嘅法国菜式。
.
鲜蓝色粗犷嘅外墙装修骤眼望落唔算好大，原来内里仲有多半层，有一部份系酒吧位置一部份系卡位。内里仲会播着法国特色嘅纪录片，好似置身于巴黎嘅小餐馆咁🥰唯独系服务上唔算亲切，唔会上菜时介绍菜式，但整体食物真系好出色。
.
✷𝑀𝑒𝓃𝓊✷
☞ Starter
♥ Bread
坐低会先送上面包，配上海盐牛油，可以无限添加！
冇谂过系一间小餐馆食到嘅面包居然可以印象难忘过喺米芝莲酒店餐厅食到嘅面包💖！
外脆内软绵绵，少少咬口，配埋牛油，非常高质！
Bread
111 浏览
0 赞好
0 留言
.
♥ Escargot a la bourguignonne 法国蜗牛 $88 (4.5/5)
嚟到法国餐馆点可以唔试吓蜗牛🐌，口感弹牙得来又滑，香港真系好少地方食到。
味道上，唔知大家有冇食过Pizza Hut嘅田螺，觉得调味几相似，都系加上牛油、蒜蓉、香草，简单但够香，啲油用嚟点包食都好好味😋。
Escargot a la bourguignonne 法国蜗牛
$88
155 浏览
0 赞好
0 留言
.
♥ Tartare de Boeuf 生牛肉他他 $188 (4.2/5)
试过大大小小有贵有平嘅生牛肉他他，觉得味道其实唔会有太大差别，不过见到附近台台都有嗌，所以再试😂。
觉得特色之处系有成150g，而且牛肉粒比较大。另外调味比起一般食到嘅酸少少，应该加咗少少柠檬汁。
不过大致上都系同一般嘅差不多，好味但唔太特别，可以悭啲钱食佢哋其他更加突出嘅菜式。
Tartare de Boeuf 生牛肉他他
$188
167 浏览
1 赞好
0 留言
Tartare de Boeuf 生牛肉他他
$188
152 浏览
1 赞好
0 留言
.
☞ Mains
♥ Coquille saint jacques 帆立贝南瓜蓉 $278 (4.8/5)
个个都推介，果然极之好食😋😋😋！
每粒表面都煎得好香，内里微生非常滑。
最出色系佢嘅调味，侧面嘅泡沫奶香十足，浸透着黑松露嘅香气，底下有一堆butternut南瓜蓉，极之香甜顺滑，所有色彩加埋一齐非常夹！极度推介！
Coquille saint jacques 帆立贝南瓜蓉
$278
132 浏览
0 赞好
0 留言
.
♥ Rossini de Boeuf 牛扒配鹅肝 $348 (4.7/5)
其貌不扬但味道甚为出众😆。
牛扒拣咗五成熟，腍身带有少少咬口，有牛香。
餐牌话用上松露酱，不过入口觉得更似甜甜地嘅红酒酱，唔错。
鹅肝份量都唔细，煮得刚刚好，完全系入口即溶，个中咸香升华咗成个牛扒味道。
最大惊喜系侧面嘅糖栗子，好香甜劲好食，配上少少顺滑薯蓉，yum💖!!!!
Rossini de Boeuf 牛扒配鹅肝
$348
235 浏览
1 赞好
0 留言
Rossini de Boeuf 牛扒配鹅肝
$348
181 浏览
0 赞好
0 留言
.
☞ Dessert
♥ Creme brulee fruit de le passion 热情果焦糖炖蛋 $78 (4.5/5)
创新地用上热情果装住焦糖布甸，表面香脆，蛋浆混入咗热情果酸甜嘅香气，清新啲冇咁腻☺️。
而且佢嘅蛋浆亦都比较流质，成个体验几特别。
Creme brulee fruit de le passion 热情果焦糖炖蛋
$78
176 浏览
0 赞好
0 留言
——————————————————
✨整体味道: 4.7/5
✨环境装修: 4.1/5
✨服务态度: 4/5
✨性价比: 4/5
✨再访兴趣: 4.3/5
.
💞整体来讲
呢间法国小餐馆真系一啲都冇令我失望，一路食一路惊叹咁好味😳每一道菜都好高水准，味道配搭非常丰富，好味到会想再三回头。而且以法国菜来讲价钱都算相对合理，系十分值得试嘅法国餐厅💖。
张贴
