影片
更多
2022-12-03
24 浏览
❣️仟穆 🔍上环摩罗上街28号地舖-----以前嘅摩罗街有古董，而家嘅摩罗街除咗有古董仲有美食。呢间位于上环嘅串烧店，入口位于摩罗街嘅两个铁皮屋之中，虽然隐蔽，但系唔算难揾，喺远处已经听到热闹嘅客人欢聚声，仲闻到阵阵嘅串烧香气。店内主打鸡肉串烧，可以食到好多鸡嘅唔同部位，例如鸡尾鸡心。除咗鸡肉之外，亦都有豚肉、牛肉、羊肉、蔬菜，仲有海鲜等等，想要淀粉嘅亦都有鸡肉乌冬或者迷你饭团。装修行型格日式高档路线，厨师喺客人面前即叫即烧👨🏻🍳，但系客人嘅台前会有约20cm高左右嘅矮墙挡，以免系烹调过程会有油溅至客人位置，设计贴心。厨师之选（$680）呢个omekase style嘅套餐，包含多款串烧，除此之外亦有沙律、煮物（是日为清酒煮蚬）、鸡汤乌冬及甜品（是日为蕨饼及豆沙mochi)串烧：✨烧鸡泡鱼干✨烧黄油鸡髀肉✨鸡胸软骨✨鸡较软骨 （即系鸡肩膀嘅T字位软骨）✨烧白鳝✨烧鸡心✨烧秋葵✨免治鸡肉棒（配搭生蛋酱油）✨焦糖车厘茄烧鸡泡鱼干薄脆非常，蘸点少许蛋黄酱已是绝佳佐酒佳品。黄油鸡髀肉味如其名，油香满满，鸡件滑溜。两款软骨口感甚佳，脆卜卜带椒盐味，过瘾。仲有鱼油丰腴嘅白鳝、牛油香气浓浓嘅秋葵，同
🔍上环摩罗上街28号地舖
-----
以前嘅摩罗街有古董，而家嘅摩罗街除咗有古董仲有美食。呢间位于上环嘅串烧店，入口位于摩罗街嘅两个铁皮屋之中，虽然隐蔽，但系唔算难揾，喺远处已经听到热闹嘅客人欢聚声，仲闻到阵阵嘅串烧香气。
店内主打鸡肉串烧，可以食到好多鸡嘅唔同部位，例如鸡尾鸡心。除咗鸡肉之外，亦都有豚肉、牛肉、羊肉、蔬菜，仲有海鲜等等，想要淀粉嘅亦都有鸡肉乌冬或者迷你饭团。
装修行型格日式高档路线，厨师喺客人面前即叫即烧👨🏻🍳，但系客人嘅台前会有约20cm高左右嘅矮墙挡，以免系烹调过程会有油溅至客人位置，设计贴心。
厨师之选（$680）
呢个omekase style嘅套餐，包含多款串烧，除此之外亦有沙律、煮物（是日为清酒煮蚬）、鸡汤乌冬及甜品（是日为蕨饼及豆沙mochi)
串烧：
✨烧鸡泡鱼干
✨烧黄油鸡髀肉
✨鸡胸软骨
✨鸡较软骨 （即系鸡肩膀嘅T字位软骨）
✨烧白鳝
✨烧鸡心
✨烧秋葵
✨免治鸡肉棒（配搭生蛋酱油）
✨焦糖车厘茄
烧鸡泡鱼干薄脆非常，蘸点少许蛋黄酱已是绝佳佐酒佳品。黄油鸡髀肉味如其名，油香满满，鸡件滑溜。两款软骨口感甚佳，脆卜卜带椒盐味，过瘾。仲有鱼油丰腴嘅白鳝、牛油香气浓浓嘅秋葵，同埋鸡肉脂香澎湃嘅免治鸡肉棒都令人印象深刻。
虽然串烧系主打，但系鸡汤乌冬却为整餐揭起另一个高潮。奶白汤色，饮落浓厚滑溜，基本上配咩面都绝对出色，食完乌冬，令人忍唔住饮埋啲汤，啖啖都有胶原满满嘅感觉。
张贴
