卓鮨

营业中

休息中

寿司14贯定食 🍣真鲷嘅口感Q弹，味道淡雅，作为寿司套餐嘅开场真系好适合~🍣深海池鱼厨师仲加咗紫苏花，柚子同胡椒。食落有淡淡紫苏花嘅香味，柚子嘅酸甜同埋少少辛辣嘅味，但3种味道都唔会抢晒鱼嘅鲜味，食落好夹，而个口感油中带爽。🍣间八嘅肉质比较实，脂质含量比同类嘅𫚕鱼少，所以食落爽脆鲜甜🍣北海道帆立贝好大粒，而且啲肉好厚实，味道好鲜甜，好香帆立贝嘅味道🍣金目鲷 火炙后焦香带出鱼油香味，厨师话金目鲷主要系食皮下脂肪，烧过先会出油，食落真系满满嘅油香，但一啲都唔觉得腻🍣池鱼食落都几爽脆，重点加咗葱同芝麻之后，食落真系好香🍣甜虾肉质细面，味道真系好甜美，比牡丹虾甜好多~另外加咗自家制虾酱油同虾油，更加香梭子鱼经过炙烤到微焦，有少少焦香味之余，食落肉质软绵，感觉唔多油脂，唔会觉得腻🍣右口鱼嘅油脂比左口鱼丰富，经火枪烤过之后部分油脂融化咗，一食入口有种入口即化嘅感觉🍣脑天系吞拿鱼头顶𠮶块肉，一条吞拿鱼得2块噶咋！口感软滑，油脂丰富而且鱼味浓厚，真系好好食~🦑萤光鱿鱼唔系成日有，系一年嘅某几个月份先有，口感弹牙有咬口，而且味道鲜甜🍣三文鱼籽每一粒都好大粒饱满，一咬即破嘅口感加上鱼油嘅香味令整体层次好丰