榮哥煮場 (已結業)

今日去左试新野，地点系旺角山东街既荣哥煮场，系一间中菜馆。餐牌有二人套餐，$268包一个锅同自选小菜一款，白饭两碗，前菜一碟，同是日甜品两位。就试试啦。前菜系蒜蓉酸云耳朵，另配辣汁。云耳爽脆醒胃，味道酸酸咪咪。浓汤花胶鸡煲我地系3款锅当中拣左呢个浓汤花胶鸡煲。花胶份量唔少，非常爽口，有厚有薄。黄油鸡有鸡胸，鸡腿肉同鸡翼，份量都唔少，鸡有鸡味，鸡皮弹牙，另外仲有少少爽脆云耳同西芹。个汤好正，好清又好饮，冬天饮正。柚子虾球我地系20款小菜当中选左呢款柚子虾球，虾球一客12只，炸皮薄脆，虾肉爽脆，加上有柚子皮既柚子汁，酸甜开胃。伴碟仲有碟花。白饭超大碗。是日甜品系杨枝甘露，用公鸡碗装住上枱，连只碗都系冰冻，好认真。饮落奶香又滑，入面有新鲜芒果肉，西米，同爆珠，超好饮。今餐食物唔错。餐厅装修企理，上菜快捷，可以再黎。