榮哥煮場 (已結業)

出到旺角揾食，又系选择困难症发作既时候。突然间行过荣哥煮场，记得有朋友讲过呢间既鸡汤煲好正，所以就二话不说冲入去试。可能入坐时间尚早，所以我地一行二人完全唔需要等位。二人套餐啱晒我呢D懒人，最后我地叫左胡椒猪肚鸡煲。个煲一上菜既时候真系香到不得了。就算有火热住个煲，鸡肉亦不会煮得老。而鸡汤亦都系呢个煲既精华，记得要饮埋佢。一份小食亦跟随住鸡煲送上。凉伴黑木耳酸酸甜甜，食完好开胃。套餐的另一款主菜，我地选了柚子虾球，应该都系另一款必试菜式。啖啖虾球，肉质好爽弹，柚子同虾球味道十分夹，食到停唔到口。套餐会跟两碗白饭或者一大碗米线，仲有好多不同选择。大碗米线用鸡汤底去煮，绝不失礼!我地加钱换了两支樽仔饮品，味道都不错，但原来最后仲有糖水送，饮品唯有拎返屋企慢慢饮。呢间一定会再黎，好想试埋其他鸡煲同小菜!