榮樂茶餐廳

营业中

休息中

嚟到沥源邨嘅荣乐茶餐厅，餐厅有几十年历史，门面同陈设等等都充满港式嘅怀旧气氛。呢度最特别嘅地方系用口述嘅方式落单，店员同厨房都系凭记忆记低食客嘅order，唔花一纸一笔，所以我哋私自叫佢做另类环保餐厅。 当日所见虽然系午餐时间， 店外露天同店内室内位置嘅食客唔少， 但总算无发生漏单或要催单嘅情况。我哋同时要咗沙爹牛肉粉面，一个配通粉一个配公仔面，沙爹牛肉份量都几多，调味香浓，汤底味道足够，通粉就煮得比较软身。火腿奄列油份偏多，稍欠健康，但口感相对而言就比较滑。多士烘得脆口，不过就压得好扁身。冻热奶茶茶色深，质感唔嚡。自从公共屋邨商场逐渐改革后，好似呢种街坊式嘅茶餐厅已经愈来愈少见。