紅茶冰室

营业中

休息中

不论食物质素，但今次嘅用餐体验真系令我唔会再帮衬依间垃圾。事源系店员落漏咗单 ，咁同佢讲番漏单，但之后送上黎既餐系重覆左。于是我向店员查询，我同佢讲张单入边写咗意粉，我认为系特餐B，所以我以为系开头佢系落漏咗特餐C，而佢地既收据单入边亦都冇写明特餐名（ABC ），补单时亦无同我讲落左咩餐，所以误会咗都好正常。但个女店员竟然大大声同我讲：「系你之前话落漏单，系你叫我补返！」佢嘅态度已十分不友善，仲要语气十分强硬地强调唔会帮我换番岩，态度极度差。个下我已感到十分气愤，当初系因为你哋写漏咗先会咁样，提你地落番但而家反而怪我落错单，咩道理？最后我愤怒地放下送错既食物，但个个女店员竟然仲系全部客人面前话我发脾气话明明就系我错，哗洗唔洗咁样串人，我都叫有俾钱食野㗎㖞！完全贴钱买难受！试问如果我对牛敏感嘅话佢系咪都唔会换俾我？要我硬食啲我唔食既野？我当下嬲到弃餐走人。点解佢哋可以觉得当初自己落漏左单系冇错，而我帮佢地后补番食物反而系我错，而且态度系一百万分恶劣！越谂越唔忿气点解要我白白俾几十蚊佢哋。呢间餐厅其实系咪冇培训过员工？连做人基本礼貌都冇！点解客人食个饭都要食到咁卑贱😩