影片
更多
2021-10-30
660 浏览
间中会试吓唔同嘅拉面沾面店，但真系喜欢到会再帮衬嘅唔系好多，试完呢间之后，可以多一间喇！ 睇佢menu，感觉佢所有选择都比同类型铺头平。今次主要想食沾面，所以同男友拣咗两款口味，鹅肝海胆汁沾面，同埋鱼介豚骨沾面，硬度标准，再另加紫菜，男友另加叉烧。小食得三款选择，今次先试鸡软骨棒，其实三样都有兴趣，争啲有冲动叫晒😂 先试鱼介豚骨沾面，汤比平时见嘅沾汁稀身，但味道鲜甜，唔油腻，而且有葱粒同洋葱粒加重香甜味，就咁饮感觉不错😋 面条系粗身面，上网睇系用全麦做，所以仲见到啲粒粒，咬落弹牙，亦都有麦香👍🏻 跟住沾汁食，虽然唔算太挂面，但浓淡程度好啱我口味😁 叉烧半肥瘦，味道正常，冇好出色嘅感觉。溏心蛋唔错，蛋黄有流心。紫菜估唔到系一惊喜位，数量有成4 5块已经够晒过瘾，仲要味浓，浸汤食有豚骨汤味又有紫菜味，好正🤩 成碗面真系比5/5分🥰 另外试嘅系期间限定嘅鹅肝海胆汁沾面。呢个沾汁就杰身好多，海胆味唔算好突出，但都轻微食到鲜味，不过对我嚟讲有啲太咸，所以唔算好喜欢。鹅肝好大方有两大件，煎到少少㶶㶶地，亦有少少脆嘅口感，香口得嚟唔油腻。成碗面整体嚟讲就一试无妨，不过冇乜需要下次再食😬 仲有小食鸡软
睇佢menu，感觉佢所有选择都比同类型铺头平。今次主要想食沾面，所以同男友拣咗两款口味，鹅肝海胆汁沾面，同埋鱼介豚骨沾面，硬度标准，再另加紫菜，男友另加叉烧。小食得三款选择，今次先试鸡软骨棒，其实三样都有兴趣，争啲有冲动叫晒😂
先试鱼介豚骨沾面，汤比平时见嘅沾汁稀身，但味道鲜甜，唔油腻，而且有葱粒同洋葱粒加重香甜味，就咁饮感觉不错😋 面条系粗身面，上网睇系用全麦做，所以仲见到啲粒粒，咬落弹牙，亦都有麦香👍🏻 跟住沾汁食，虽然唔算太挂面，但浓淡程度好啱我口味😁 叉烧半肥瘦，味道正常，冇好出色嘅感觉。溏心蛋唔错，蛋黄有流心。紫菜估唔到系一惊喜位，数量有成4 5块已经够晒过瘾，仲要味浓，浸汤食有豚骨汤味又有紫菜味，好正🤩 成碗面真系比5/5分🥰
鱼介豚骨沾面
$78
46 浏览
0 赞好
0 留言
另外试嘅系期间限定嘅鹅肝海胆汁沾面。呢个沾汁就杰身好多，海胆味唔算好突出，但都轻微食到鲜味，不过对我嚟讲有啲太咸，所以唔算好喜欢。鹅肝好大方有两大件，煎到少少㶶㶶地，亦有少少脆嘅口感，香口得嚟唔油腻。成碗面整体嚟讲就一试无妨，不过冇乜需要下次再食😬
鹅肝海胆沾面
$138
29 浏览
0 赞好
0 留言
仲有小食鸡软骨棒，一开头睇卖相好似hea hea地，但食落又唔错，好多软骨粒粒喺入面，衬埋酱汁同大量葱，味道好夹，如果烧得再重手少少就更香口更正～
鸡软骨棒
$28
29 浏览
0 赞好
0 留言
一人一碗面，又加配菜，又加小食，又加嘢饮，都只系300蚊，真系比其他同类铺头抵食，味道亦出色，再加埋佢颜色靓🟡，绝对会再嚟帮衬😁
张贴
