榴槤樂園 (金巴利道) (已結業)

是夜食完晚饭仲觉得唔够喉，于是周围揾糖水食，点知全部都大排长龙，等位时间分分钟耐过食碗糖水，正以为会败走之际，友人提议去试下榴梿乐园。上完openrice 睇过，评价都算唔错，就俾次机会佢啦。楼高2层既榴梿乐园位于三角公厕附近，虽然有点偏离最旺既地带，反而感觉衬返榴梿，唔系人人都钟意食。到达时还好唔算多人，店员可以即时安排入座。店面大量装饰供客人拍照打卡今次一行4人，我叫点左一个4lbs 左右既猫山王。呢度既收费系唔同品种唔同价钱，再以重量计算。店员介绍猫山王系由自家果园种植，收成后立即急冻再空运到港，咁样可以保存到刚刚时果一刻。😋😋😋😋😋