榴槤貴族 (已結業)

话说临近中秋节。有系时候买吓月饼过下节。对比起传统月饼。本人一路都比较钟意食冰皮月饼。因为冇咁油腻之余，亦都可以选择自己钟意嘅口味。今年一路烦恼紧到底买边只冰皮月饼。咁啱今日行开葵涌广场。突然俾我闻到一阵好大榴梿味。身体情不自禁咁沿住味道嘅方向行去。俾我见到一间榴梿贵族喺度。最后买咗榴梿冰皮月饼。入面有两只口味包括猫山王同黑刺。猫山王冰皮月饼入面劲多猫山王果肉，咬落去嘅时候一阵阵榴梿味爆发出嚟，对比起我其他食过嘅猫山王榴梿冰皮月饼。味道浓好多，有一刻以为自己真系食紧猫山王。黑刺冰皮月饼，从店员口中得知。比起上年增加多20%嘅果肉。而且唔好睇佢外表黑蚊蚊。食落亦都系好重榴梿味。对比起坊间嘅榴梿冰皮月饼，我自己觉得榴梿贵族嘅榴梿冰皮月饼更值得大家尝试。