榴槤BB (已結業)

同钟意食榴梿嘅朋友黎左观塘嘅工业大厦里叹榴梿，位置都有点偏远，好彩朋友在观塘返工，都几熟路。行到去近丽港城个边的敬业大厦，有分AB座的，B座先啱㗎，入到去就见到水牌写住榴梿bb，上到去即刻就传黎强烈的榴梿香味，榴梿飘香呀～除左榴梿，仲有一系列嘅榴梿制品卖，本想买啲返屋企做手信，但仲有好多个钟先返归就作罢了，拣左两样干货算啦，易携带啲嘛。工厦黎讲环境都唔错，好够冷气，简单枱櫈但都好好坐，够濶落。是日战利品，有猫山王榴梿脆脆（$80），猫山王榴梿爆谷（$39），猫山王芝士云顶炭烧乌龙茶（$38），榴梿品鉴盘（$150）（两个干货留比屋企人，但佢地仲未舍得食…）先尝尝饮品，开盖式设计，当然要黎个45度角饮下。一啖饮落去，先系榴梿嘅甜味，再有芝士嘅咸香，最后系茶味嘅幽香，细味多几啖仲有榴梿肉添，一向系芝士奶盖控，呢杯饮品真系一试爱上，无得弹呀跟住梗系要食品鉴盘啦，贴心地附上载核兜，手套同湿纸巾，旁边仲有干纸巾，唔怕食得狼狈啦。品鉴盘呀有五款味道，听朋友讲话唔系次次一样，睇下个排边个品种当造㗎。店家建议由清淡食到浓味，即系由上而下咁食法名种>长柄>金包>山顶XO（D24）