特色糖水小食 (已結業)

当马鞍山的糖水舖开到成行成市的时候，每间都系卖心太软同窝夫，大家有冇遗忘到旧式糖水舖呢?今次介绍依间系传统屋邨的糖水舖，家庭式经营，装修不是富丽堂皇，但系就有一份回忆。基本既中式糖水，各种既西米露，凉粉都有，同埋有熟食卖。今次食左3样野：榴梿西米露 $40-做小小椰汁做个底，有榴梿蓉同一旧冰左既榴梿，比出面既榴梿西米露好食！榴梿水晶珠 $40-本身我唔系太钟意食水晶珠，觉得冇咩味，但系屋企人叫左，就试几啖。一试，不得了！佢系成碗都系榴梿蓉，再加冰左既榴梿！食完依碗野，感觉好似食左成个榴梿咁，超正！！！青柠梳打 $18-青柠梳打够冻同青柠味好出，比平时D越南粉面舖好饮，但有少少涩口。顺带一提佢既炒公仔面，系唔油又干身又弹牙，我之前见过每一枱都会叫一碟，所以好奇心下都叫左一碟，系好好味。去依间糖水舖食个炒公仔面加糖水都系$6~70，好过你系马鞍山揾间垃圾餐厅/茶记食。