四季甜品-外賣王

营业中

休息中

今日男朋友既朋友话带我哋去试新嘢，话比一糖仲要好食，我哋当然要来睇下究竟，听佢讲前名叫 "明朝人气甜品店" 依家改头换面重新开舖，原因就唔去追问了。 门口睇到芒果及榴梿拿破仑卖相好吸引，仲系酒店级师傅主理，我就决定先试最爱既榴梿拿破仑先，男朋友完全唔钟意榴梿，佢㨂咗富贵黄金屋，佢朋友同我一样系榴梿发烧友，我哋简直惺惺相惜、臭味相投。富贵黄金屋，我试咗几啖，超浓既芒果味，唔算太甜。朋友食榴柑岁月，佢话榴梿有点而少，我睇都唔算啦，靓榴梿都好贵架！终于轮到我既榴梿拿破仑出场，点解同张相有咁大出入，不过两件都几大件，我都唔知从何入口，先试佢既酥皮，真系好松化，榴梿馅都唔少，甘香可口，只是食得有点呢hea，总结都好好味，款式各方面都好多选择，环境方面有点欠佳，坐街，好彩寻晚好大风好舒服。