榴蓮王 (已結業)

榴梿一向系最爱❤️，难得今日遇到同好，所以特登行咗过去油麻地，去拜访榴梿王。榴梿王除咗做外卖，门口有张枱，可以买完坐喺度食。之前喺大陆食过一次榴梿Pizza ,一直念念不忘，估唔到呢间铺头都有得卖，但系今日晚餐食太饱啦，下次再试过。姐姐介绍佢哋嘅白雪饼好出名，所以都整返个猫山王榴梿白雪饼＄28 ,我哋喺门口户外座位度等紧嘅时候，一路闻到有榴梿飘出来嘅味道，劲香呀！等左10分钟左右，姐姐仲好细心特登帮我地切开，入边劲多榴梿肉，咬开嘅时候榴梿肉好香好滑，果然系猫山王！我仲点左一杯牛油果芒果奶昔＄28 ,好重奶香味，真系饮得出牛油果同芒果味道，好有层次感，饮完一杯真系劲饱。就嚟中秋节，见佢哋都有买榴梿月饼，就走咗过去八卦一下，姐姐都比我试咗一小旧，外皮劲薄，重点系入边超多榴梿肉，＄388/6个猫山王榴梿月饼又唔贵㖞，我听朋友讲出边都卖紧七百几蚊，等我迟啲都买返盒过节先。