漁牧 (已結業)

作为榴梿控嘅我，就系冲住个榴梿鸡煲而来！榴梿呢样重口味嘅嘢，当然要约埋重口味嘅朋友一齐去食啦。个鸡煲望落颜色有啲似芝士锅，搅两吓真系见到有一旧旧煮到半涡嘅榴梿肉！真系急不及待要试下。鸡肉好嫩滑，无乜雪藏味。榴梿味无预期中浓烈，但系鸡肉就渗出淡淡嘅榴梿香气，味道偏向清甜𠮶种。或者唔太好榴梿嘅都可能接受到！我地就叫咗香辣味，食得再辣嘅可以叫麻辣味。海鲈鱼都几大条，烧过嘅鱼皮特别香口惹味。鱼肉都几嫩滑，辣味愈食愈有，不过又唔会遮盖咗鱼嘅鲜味。