漁牧 (已結業)

哗，超耐冇出去揾食啦，趁住我妹生日就去左渔牧食饭！入到去冇咩人，可能星期一既关系。禁几好呀，静静地，可以倾下。噢，不过30分钟后黎左枱人嘈到呢…野食方面：叫左个榴梿鸡煲($298)，好有榴梿香味，亦都食到几旧榴梿。不过呢，鸡既分量有点儿小…所以食完后，叫侍应哥哥加水再打边炉，点左牛肉呀、丸呀、薯粉呀个啲火锅配料，不过都系唔够食！可能我地一家好大食既关系，再点多个酸辣鱼！条鱼唔算多骨，有少少辣加多多酸，味道唔错，怕辣既朋友都可以食到！鱼底下有好多薯粉呀，吸收晒汤既精华，超正。终于食饱饱lu…其实野食方面系唔错既，可惜服务真系麻麻啦！叫侍应哥哥换碟、拎餐具、加水等等，都起码需要叫5次，而佢又唔系好想理你禁…唉，我都明有时好忙，但服务都好重要架！p.s.呢度饮水都要收钱，都系叫一jar饮品，一齐share抵啲啦。4个人食，平均每人都二百几，唔系平价菜式！