貓山皇 (已結業)

前两日经过猫山皇，雪糕依然停售。猫山皇系其中一间个人比较钟意推介俾朋友嘅甜品小店。要澄清一点系，我唔系榴梿迷～舖面装修虽然唔算吸引，入到去又细，摆左啲货柜出泥做装饰同洗手间，但凑凑埋埋，又会觉得几型几有工业味，同埋坐得几舒服，似cafe多过甜品舖～榴梿pancake榴梿拿破仑，都好榴梿，果肉占嘅比例较重，饼皮正常，整体ok。相对榴梿雪糕，俾人印象深刻，质地好幼滑，creamy得泥又唔会浆口，甜度刚好，榴梿味无其他榴梿甜品咁重，但可能系冻冰冰嘅关系，榴梿迷同非榴梿迷都表示「反而仲好食」忍唔住一啖又一啖～每次帮衬都会叫雪糕，隔一排又会心郁郁想食。榴梿雪糕，究竟你仲会唔会番泥～～～