沛公甜品 (已結業)

耀华街早已成了甜品街，有"聪嫂"及"沛公"两间出名的甜品店座镇，晚上都变得非常热闹，尤其是"聪嫂"那边，可以用人气鼎盛来形容！我是第一次来沛公，被他五花百门的甜品所吸引，不单止造型靓，就连甜品名也改得生鬼有趣。这漂亮的芒果花名叫 "心花怒放"，外型攞足100分，可惜只是虚有其表，芒果开始微黑，仲要酸到无朋友。放于底部的芒果布甸由班戟皮包住，味道好普通。这 "榴盘" 份量十足，索价$198元，有榴梿焦糖炖蛋、榴梿班戟、榴梿糯米糍。榴梿焦糖炖蛋做得不错，但实在太 heavy，建议此 set 要起码有3-4人先好叫来分享。榴梿班戟友人十欣分赏，说够 creamy，但我略嫌班戟皮硬了少许。榴梿糯米糍的糯米皮不算软熟，榴梿肉都算香，但奇怪的是我和朋友都尝到辛辣的味道，舌尖轻微麻卑，唔知系唔系佢地整糯米糍的时候落多咗啲乜嘢....总括而言，我认为沛公采用的生果都不够靓，除了芒果太酸外，榴梿味道亦不够浓郁。唔怪得"聪嫂"受欢迎咁多啦！