花果山 (已搬遷) 新店位置

小弟喜爱榴梿，但系又唔受得，次次食完，无论食返几多个山竹，第二日都系会唔舒服。所以好多时都会食榴梿制品，满足下自己。今日见到呢个饮品店，好多人排队，应该无死。仲见到有几样榴梿制饮品，就决定买杯试下。一般榴梿饮品，都以好榴梿为卖点，即系成个榴梿拎去搾汁，系好味，但我不如食个榴梿？所以我拣咗个奶盖榴梿钖兰红茶。贪佢有榴梿香得嚟又唔会太漏，几解渴。但加咗奶盖，又唔会好淡味，整体杯嘢做得好平衡，我觉得难得有榴梿味得嚟又唔会净系得榴梿味。