榴蓮王 (已結業)

油麻地地铁站C出口附近，有间专卖榴莲食品既「榴莲王」，身为榴莲爱好者梗系要黎试下✌🏻。小店出面有架会喷冰凉冷风既风扇，为炎热既夏天增添一点凉气。🍹牛油果芒果奶昔 $28好耐无饮过奶昔了，呢个奶昔比平时饮开既浓厚，真材实料。浓郁既牛油果味占据味蕾，并带有啖啖芒果味，两者融合，神奇地饮落似鸡蛋味😆，饮完一杯都充满饱腹感丫。🍴D24榴莲雪米糍 $38天气炎热，都想食返d冻野，所以试下雪米糍。外形圆圆几得意，外层系软绵糯米，皮有点厚，但烟烟韧韧。D24榴莲促唔会太甜，比想像中更好食。🍴猫山皇雪饼 $28外层选用精选日本米浆，外脆内软，口感弹牙，充满米香。内层系猫山皇榴莲肉，榴莲唔会过熟，有回甘既味道，好食，雪饼特别，必试之选。(就算榴莲抗拒者都好，雪饼有其他唔同口味🤤唔好怕左榴莲，不防黎试试。)临走前见到有卖马来西亚榴莲冰皮月饼，$388仲有8折，屋企人都钟意食榴莲，买返去一齐分享就更滋味，中秋节又多个选择了。