碗盛 (已結業)

今日又系食日本菜嘅日子。同事庆祝生日，黎左依间位于天后嘅日式餐厅。我地六点多就黎到，未到晚餐高峰期，可以安排倒我地坐到包箱。包箱系榻榻米，脚系可以放入枱底，唔洗担心会脚痹。我地叫左碗盛精选剌身美味涮涮锅套餐（二人前）。前菜系和风汁豆腐同日本酱油淮山渍。豆腐滑身豆味清香，咸咸酸酸。淮山腌制入味，非常好开胃。精选时令刺身两点今日系三文鱼同吞拿鱼腩碎日本宫城海胆。三文鱼厚切，非常肥美。日本海胆果然唔同D，大粒又鲜味浓郁。天妇罗有虎虾同埋蕃薯，炸粉适量好香脆，虎虾大只啖啖肉。蕃薯时令甜入心。原条日本花鱼一夜千系我同事最爱，鱼骨可以成片拿走，鱼肉干身但都鞋，煎香嘅花鱼和味无穷。涮涮锅我地要左原只元贝赤虾配虾味噌什菜锅。赤虾尺寸巨大！个锅都装唔晒，虾肉新鲜弹牙。虾味噌汤底香浓，杂菜索晒汤汁好正！最后甜品系桃味嘅小蛋卷，精致又好吃。依餐我同同事都好满意同好满足。