美味故事 (已結業)

原来系旺角有间咁正嘅小店，要大大力惩罚先得！！！平日入到嚟唔洗等位，职员好好服务带我哋入嚟坐榻榻米，超开心！！第一次坐榻榻米食野！！！好似去咗日本咁😆😆😆嚟到见到个餐牌好吸引，有焗薯餐又有乌冬🤤🤤睇见都流晒口水哈哈叫咗两个餐，包餐汤沙律同蒜蓉包一嚟就送咗一个南瓜汤，仲要系笑哈哈，睇到好开心，超得意，好有心思😆😆💛好钟意，希望下次嚟仲会见到笑哈哈南瓜汤😆焗薯餐好快就到啦，摆盘好靓，男朋友仔食完仲话唔够食添😋😋而我就嗌咗一个乌冬，乌冬个汁好惹味，口感烟烟韧韧，食完我都好想再食多碟哈哈我叫咗杯白桃蓝蝶花，味道好清新，饮落好舒服而男朋友仔就嗌左杯热情果茶，装饰得好靓呢，最后佢都饮晒，好饮！因为返工唔记得事前打嚟问可唔可以系甜品写生日快乐，去到即刻细细声同店员讲（同返店员讲声唔好意思，多谢你地临急帮我准备）店员好细心系我地食晒个餐，点埋蜡烛送上甜品，仲要同男朋友仔讲生日快乐🎂，多谢你地！！佢好开心同惊喜，个慕丝蛋糕俾我哋预期中好食好多👍🏻👍🏻💛店员世一💛💛请大家多多支持呢间小店，因为楼上铺好少人认识，快啲去惩罚佢哋啦！