楓 (已結業)

最近去开广华医院对面嘅枪街行街，行到咁上下时间就等埋朋友收工一齐去晚饭，朋友带左我去枪街其中一间日式小店帮衬。餐厅虽然舖头细细但入座率相当高，相信味道唔差先有咁多客帮衬，餐厅除左提供三款唔同汤底嘅乌龙面，另外仲有大阪烧、烤蛋糕、窝夫同乳酪雪糕等等，同朋友各自叫咗唔同汤底嘅乌龙面。汤面未嚟之前叫咗大阪烧同乳酪雪糕 🍨 大阪烧口感软熟最怕硬掘掘成块饼咁，章鱼肉等配料份量亦好多，乳酪雪糕有多种配料可自由配搭。香煎虎虾咖喱汤鸟龙面 ($68) : 开头都有啲怕咖喱汤会好杰，但实物唔系之余味道几浓郁，虎虾肉质爽弹，而且轻轻煎过口感更正，另外仲有半只糖心蛋同粟米等配菜。朋友叫嘅香煎虎虾蕃茄汤鸟龙面。跟餐可以以优惠价配饮品。