影片
更多
2016-07-03
2120 浏览
活化工厦，除咗多咗啲特卖场（Outlet）外，就喺楼上咖啡室、西餐厅如雨后春笋般多。之前已到访过多次观塘厂厦嘅西餐厅，总括嚟讲，普遍都质素不俗，取价亦公道，部分更可以话喺卧虎藏龙 。今次约咗表姨甥女食饭，听佢讲讲越南之旅，就拣咗间厂厦西餐厅，因为听佢讲都好似未试过嚟依区揾食。因为都不止一次到访依一类餐厅，所以，知道呢啲餐厅好有一种别有洞天嘅感觉，入到餐厅内每每偶有惊喜。今次到访嘅Lava Java就稍稍唔同，因为佢位处一幢商厦，由地下大堂至上楼铺面，都比较新簇，少咗一份寻幽探秘之感。不过，内里嘅环境则一样睇出装修富心思 。甫踏进店内，以为好细只得眼前所见嘅地方，仲无客添，原来，走到水吧位前转弯一睇，哗！真喺柳暗花明又一村。另一边区域空间极大，厂厦 / 商厦普遍楼底高，加上枱櫈嘅布局散落其上，无话租金贵而排到尽，所以，整个环境予人空间感强，有一份悠扬轻省之感 。再者，一室木系嘅装修，木地板、木枱、木櫈，配以少少植物（摆放多啲感觉仲正），坐晌度斋饮杯咖啡，感觉都已经好悠闲。其实，餐牌嘅封面已大致上话咗俾你知，有啲咩菜式类别，咖啡、汉堡、三文治、甜品、饭面、沙律、蛋糕、意大利面及各式饮
因为都不止一次到访依一类餐厅，所以，知道呢啲餐厅好有一种别有洞天嘅感觉，入到餐厅内每每偶有惊喜。今次到访嘅Lava Java就稍稍唔同，因为佢位处一幢商厦，由地下大堂至上楼铺面，都比较新簇，少咗一份寻幽探秘之感。不过，内里嘅环境则一样睇出装修富心思 。
甫踏进店内，以为好细只得眼前所见嘅地方，仲无客添，原来，走到水吧位前转弯一睇，哗！真喺柳暗花明又一村。
另一边区域空间极大，厂厦 / 商厦普遍楼底高，加上枱櫈嘅布局散落其上，无话租金贵而排到尽，所以，整个环境予人空间感强，有一份悠扬轻省之感 。再者，一室木系嘅装修，木地板、木枱、木櫈，配以少少植物（摆放多啲感觉仲正），坐晌度斋饮杯咖啡，感觉都已经好悠闲。
其实，餐牌嘅封面已大致上话咗俾你知，有啲咩菜式类别，咖啡、汉堡、三文治、甜品、饭面、沙律、蛋糕、意大利面及各式饮品，如好多咖啡店餐厅常有嘅。
当然，细看内页，发觉选择不少，比较值得留意，喺当中嘅意大利面类、饭类及主菜类，均可以升级变为套餐，加配头盘 / 餐汤 / 沙律 / 甜品，玩法如下：+$25可选一款
+$45可选两款
+$65可选三款
+$85可选四款
食多食少，弹性相当大，而且，转为套餐后仲奉送咖啡或茶一杯，简单打个譬喻嚟讲，其实+$25就已经可以变成多个餐汤加杯热饮，晌度饮杯普通咖啡都$22啦 。不过，我哋赛后检讨，真喺唔需要升级晒4样嘢，因为食埋主菜实在太饱，而头盘、沙律、甜品可以共享，每人升级两或三款都够晒。
顺带一提，餐厅设最低消费，不过，门槛都喺好低啫，每位客人最少帮衬一杯饮品或一份食品，而晚上6:00pm后需加一服务费。
套餐嘅头盘喺3拣1，有田螺焗酥盒、芝麻三文鱼卷及烟三文鱼碟，以头两款感觉较为有特色，我谂普遍人都会拣依两道作为重点选择。
一口法式田螺焗酥盒 田螺焗酥盒一客有两粒，啱啱好我哋两个都有得试，个酥皮盒算做得几松脆甘香，喺底位有丁点硬，而田螺肉都几大粒，面层加咗少少芝士焗，咸香好食 。
芝麻三文鱼卷配蜜糖芥末子汁 同样又喺一客有两年，三文鱼喺刺身素质，沾满芝麻，油润中芝麻香爆发，而三文鱼卷下就喺自家调嘅蜜糖芥末子汁，既有芥末香，又有蜜糖嘅清甜，令三文鱼更鲜。
野菌忌廉汤 汤品亦有三款选择：罗宋汤、野菌忌廉汤及是日餐汤，表姨甥女拣野菌，小弟偷试一口，菌香果然浓郁，仲带少少微细菇菌粒，够晒真材实料。另外，所伴嘅芝麻包，包身松软微暖，且充满芝麻香味 。
野菌忌廉汤
25 浏览
1 赞好
0 留言
而是日餐汤就喺周打鱼，虽然卖相平庸咗啲，但味道真喺唔错，个质感颇柔滑，汤底似有啲鱼鲜味。补充多句，两客汤份量都好足，其实以套餐而言，细碟啲我都觉得无问题。
沙律类唔使心多多，因为就喺只有两款，两个人嚟就自不然各拣一款，两款咁就试匀晒。
日式芝麻油田园沙律 田园沙律以沙律菜、青瓜薄片、车厘茄为基础，虽然唔喺咩特别食材，但胜在够新鲜，沙律菜同青瓜都非常爽脆。而沙律个亮点喺个酱汁，芝麻味极为香浓 ，稀杰度唔唔好，唔会太浆口，又唔会太稀水汪汪。
烟三文鱼凯撒沙律 要形容个凯撒沙律就喺简单，却做得认真，因为啲罗马生菜沾满均匀酱汁，不多不少薄薄一层，无多余嘅汁酱，洒上去嘅烟肉碎又切得幼细，面包粒既干且脆，所以，个凯撒沙律底已做得好有诚意。而烟三文鱼油润带微微烟熏香，整体属高质素出品。
烟三文鱼凯撒沙律
16 浏览
1 赞好
0 留言
主食先拣咗个扁意粉，因为配软壳蟹及甜品嘅南瓜汁都颇特别。软壳蟹炸得甘香唔油腻，软软嘅蟹壳总觉得好有趣；扁意粉口感咬口，煮得啱啱好，每条面条都挂满南瓜汁，着实唔错，个汁南瓜味几足，个人认为再做薄身少少，稀少少，就更合心水喇。
烤羊扒 $183 扒类可配薯菜、意粉或饭，好彩拣咗薯菜，因为之前嘅头盘、餐汤、沙律夹夹埋埋都唔嘢少，而个扁意粉又份量十足，所以，薯菜比饭面都轻省啲。先讲个卖相，摆得靓仔，最欣赏喺佢将啲薯条另以小杯装晌中间，一来令卖相别出心裁咗，二来啲条薯无跟其他食材放埋一齐，变得无咁易咁快变腍。
烤羊扒
$183
21 浏览
1 赞好
0 留言
芝士蛋糕 跟餐甜品有两种选择，就喺芝士饼同意式奶冻，而芝士饼本身都有4款口味：原味、朱古力、蓝莓及咖啡4款，选咗咖啡味，做成云石面，卖相几靓。虽然，芝士味几浓郁，又有咖啡香 ，不过，唔知喺咪放晌雪柜耐，口质感较硬同干身，口感打咗折扣 。
意式奶冻 可选草莓或奥利奥饼碎，我哋选后者，做成小型盆栽样，不过，个人认为个奶冻奶味未够重浓，入口似杏仁豆腐𠮶种质感，经验觉得喺鱼胶多，忌廉少；再者，纯个人口味嘅问题，跟奥利奥饼碎唔喺太夹 。
饮品好多选择，咖啡、沙冰、特色朱古力、梳打特饮、多种茶类，就连红白酒、啤酒，近年大热嘅手工啤都有。而跟餐嘅餐饮，亦设有饮品升级优惠，就喺半价优惠配其他无酒精饮品。其实Lava Java点解？无问过店员，但查字典，Lava解熔岩，有借用为火山、岩石，而Java可以指地方名「爪哇岛」，亦能解作咖啡，故餐牌中都有几款饮品都以此为名，如岩石咖啡（Java Jelly Coffee）、火山咖啡沙冰（Lava Frappe）、岩石啫喱沙冰（Java Jelly Frappe）、火山朱古力（Lava Chocolate）……等等，不过，小弟还是钟情鲜奶咖啡，哈哈！
焦糖咖啡 +$16 单点原价$32，依家跟餐就变为半价享用。虽然，非主要以奶泡嚟拉花，但杯咖啡一样制作得咁靓，入口醇香绵滑，比一般焦糖味重，当然啱我依等焦糖死粉啦。
焦糖咖啡
16 浏览
1 赞好
0 留言
单点原价$36，补$20就可以转配，卖萌嘅佢一定受表姨甥女睛睐，口味可以拣薄荷或焦糖，但写到明星期一至六2:30-9:30pm供应，午市做唔彻依啲花时间嘅手作仔，所以，想试就要避开晏昼饭市。表姨甥女话一入口薄荷味都几出，面头嘅朱古力酱搅匀之后，整体甜度会增加咗，薄荷味便稍稍平衡番啲，当然，个龙猫公仔一定喺加分位 。
龙猫朱古力
31 浏览
1 赞好
0 留言
由头盘到主菜，都表现得好出色，甜品一环出现点回落，但两杯饮品都有水准，而且，服务都真喺几好，好多细节位都跟足，如换碟、刀叉、一道菜接一道菜上枱……等等；再者，环境令人感到舒服亦都好重要。整体而言，睇得出店主佢哋都花咗唔少心思，可以讲对佢哋搞咖啡室嘅热诚不「熔」置疑 。
张贴
