悉尼樂園 (已結業)

铜锣湾楼上cafe，怀旧风设计，以米老鼠做主题🫢午餐价钱合理，份量足又好味，行完街上去抖抖都几正！.🥣炸薯条🥣：💰$38可配茄汁/明太子酱/黑松露酱，可加$10配多个酱，本身都有少少调味粉，薯条脆而唔油腻，黑松露酱份量多味道几浓。🥣蜜糖鸡翼🥣：💰$38系单骨鸡翼，易食唔会整污糟只手，酥炸脆皮而且唔油腻，甜甜蜜糖味，系小食必选呀。🥣烟三文鱼沙律🥣：💰$78烟三文鱼大大块，沙律配左特制柚子橙果醋，味道酸酸甜甜，有点柚涩味，超开胃，沙律菜同车厘茄新鲜，系轻食之选～🥣蒜香烟三文鱼炒意粉🥣：💰$88超重蒜味，意粉能够炒至干身但又够湿润，少少蒜辣口感几刺激，配料有炒蘑菇同烟三文鱼，都几足料。🍰意大利芝士蛋糕🍰：💰蛋糕面配上新鲜红莓，酸酸地，整体唔太甜，仲配埋朱古力酱食，芝士味浓郁，蛋糕口感偏实，size岩岩好，食完唔会滞。🥤豆腐花抺茶拿铁🥤：💰$48底部有滑溜溜豆腐花碎，抺茶味浓郁而不腻。🥤豆腐花焙茶拿铁🥤：💰$48焙茶味浓，唔太甜，配上滑溜溜豆腐花，整体口感细腻，仲有少少茶苦涩味。