影片
更多
2023-12-11
564 浏览
今晚迪士尼有圣诞Live concert，睇完之后超肚饿，就嚟咗大街餐厅食个晚餐。因为临近圣诞节，大街餐厅五点后只供应圣诞套餐，冇其他选择。成人圣诞套餐主菜有三个选择-烧火鸡卷、威灵顿牛柳同埋野菌扁意粉。儿童餐则都系预设好嘅。我今次就食咗威灵顿牛柳主菜嘅圣诞套餐🍽️前菜-刁草三文鱼沙律🐟🥗第一道上嘅前菜已令我有惊喜。三文鱼有1 cm左右厚，肉质鲜甜。食完令我更期待之后嘅菜式😋汤-椰菜花汤🥣及餐包🥖前菜后就到上餐汤同餐包嘅时间。椰菜花汤用透明杯装，卖相好得嚟又衬托返大街餐厅cafe个气氛🥰除咗卖相好之外，佢哋嘅味道都好唔错。椰菜花汤饮落creamy得嚟又唔会过咸过溜。餐包热热哋又外脆内软。正👍🏻餐饮-圣诞套餐特饮🍹餐牌虽然冇写，但系呢个套餐本身系包一杯圣诞特饮。特饮基本上系士多啤梨酱🍓加雪碧，配一片圣诞树造型西瓜片🍉。味道都唔错，甜甜哋又唔会过甜，几有圣诞气氛。上嘅时候雪碧系支装分开上俾客人自己倒嘅，职员话倒落去时圣诞树造型西瓜会浮起，我倒完就唔太浮。主菜-威灵顿牛柳🍴接住就到主菜威灵顿牛柳喇。用热铁板上餐，卖相唔错，闻落都好香。左边系紫洋葱🧅加甘荀🥕，仲有少少配菜仔同米奇头椰果。中间威灵
因为临近圣诞节，大街餐厅五点后只供应圣诞套餐，冇其他选择。
成人圣诞套餐主菜有三个选择-烧火鸡卷、威灵顿牛柳同埋野菌扁意粉。
儿童餐则都系预设好嘅。
我今次就食咗威灵顿牛柳主菜嘅圣诞套餐🍽️
前菜-刁草三文鱼沙律🐟🥗
第一道上嘅前菜已令我有惊喜。三文鱼有1 cm左右厚，肉质鲜甜。食完令我更期待之后嘅菜式😋
刁草三文鱼沙律(圣诞套餐前菜)
27 浏览
0 赞好
0 留言
汤-椰菜花汤🥣及餐包🥖
前菜后就到上餐汤同餐包嘅时间。椰菜花汤用透明杯装，卖相好得嚟又衬托返大街餐厅cafe个气氛🥰
除咗卖相好之外，佢哋嘅味道都好唔错。椰菜花汤饮落creamy得嚟又唔会过咸过溜。餐包热热哋又外脆内软。正👍🏻
圣诞套餐餐包
20 浏览
0 赞好
0 留言
椰菜花汤(圣诞套餐餐汤)
16 浏览
0 赞好
0 留言
餐饮-圣诞套餐特饮🍹
餐牌虽然冇写，但系呢个套餐本身系包一杯圣诞特饮。
特饮基本上系士多啤梨酱🍓加雪碧，配一片圣诞树造型西瓜片🍉。味道都唔错，甜甜哋又唔会过甜，几有圣诞气氛。
上嘅时候雪碧系支装分开上俾客人自己倒嘅，职员话倒落去时圣诞树造型西瓜会浮起，我倒完就唔太浮。
圣诞套餐特饮
16 浏览
0 赞好
0 留言
主菜-威灵顿牛柳🍴
接住就到主菜威灵顿牛柳喇。用热铁板上餐，卖相唔错，闻落都好香。
威灵顿牛柳(圣诞套餐主菜)
18 浏览
0 赞好
0 留言
左边系紫洋葱🧅加甘荀🥕，仲有少少配菜仔同米奇头椰果。
中间威灵顿牛柳调味唔错，牛肉生熟度适中，包住牛柳就烟肉又唔会好肥。食到一半都已经好饱，不过饱咗都觉得好味😋
右边系薯蓉再加几块干蒜片，味道都好唔错。薯蓉有creamy口感又唔会好溜，蒜片又令到薯蓉味道少少咸，配合返个威灵顿牛柳，又系一款饱咗都想食哂嘅，正👍🏻
甜品-栗子蒙布朗🌰
食完上面咁多款好味嘅菜式，难然好饱但都好期待个甜品。不过，今次个甜品就令我有啲失望😞
甜品卖相系唔错嘅
栗子蒙布朗(圣诞套餐甜品)
12 浏览
0 赞好
0 留言
左边系朱古力片🍫上面加啲圣诞装饰造型糖霜。朱古力片虽然唔甜但都冇朱古力味。糖霜就类似花塔饼上面𠮶啲糖霜。
右下系雪糕🍦再加啲栗子粒🌰。雪糕冇咩味道，啲栗子粒好软、有栗子味，夹埋落啲雪糕食都ok。
右下我原来以为系栗子cupcake🧁原来唔系。佢系栗子cream包住个朱古力类球状物体。
朱古力球可一分为二。上半层入面系白色糖霜饼
下半层就系实心朱古力上面加啲cream贴住上半层。啲cream嘅味道麻麻，朱古力又冇乜味道。
整体来讲我个人就麻麻哋钟意个甜品😕
环境方面，大街餐厅装修好细致，营造到美式传统咖啡店风格，亦俾人雅致得嚟温馨嘅感觉💕
我今次就坐主要用餐区。墙上有画、镜等等唔同装饰。
餐厅另外仲有玻璃屋用餐区。墙身都系透明玻璃，有可口可乐吊灯做装饰。
喺餐厅入面边食，边睇住出面熙来攘往嘅游客同埋大街嘅圣诞装饰、飘雪，节日气氛真系出哂嚟😍
食完啱啱好出去睇埋个烟花🎆
呢度圣诞套餐价钱系略贵少少，亦都唔可以用任何优惠，但味道(除咗甜品😛)、环境、员工服务丶圣诞气氛等都做得好好👍🏻推介一试😇
张贴
